طارق فؤاد: شيرين قفلت السكة في وشي واعتذرت لي

روى المطرب المصري طارق فؤاد، موقفًا أحزنه كثيرًا من الفنانة شيرين_عبد_الوهاب، أثناء عيد ميلاده.

قال طارق خلال لقائه مع المذيعة بسمة_وهبة، في برنامج العرافة أن هناك أحد الأطباء الكبار في مجال الأنف والأن والحنجرة، أخبره بأنه ذاهب إلى شيرين، وحينما علم فؤاد بذلك طلب منه أن يهاتفه عند وصوله لشيرين حتى يتحدث معها أمام أهله ويتباهى بتلك المكالمة في عيد ميلاده.

وأوضح طارق فؤاد أنه تفاجأ أثناء مكالمته للطبيب يوم عيد ميلاده، بأن شيرين أغلقت المكالمة وهو على الهاتف، وروى طارق فؤاد تفاصيل تلك الليلة التي لا ينساها، خلال، حيث قال: 'شيرين عبد الوهاب كانت نجمة كبيرة أوي، وفيه دكتور أنف وأذن وحنجرة كان عندي في البيت وقالي أنا رايح لشيرين، قلت له كلمني من هناك علشان أتباهى قدام أخواتي بالمكالمة'.

تابع: 'بعد شوية اتصلت بيه قلت له إحنا خلاص هنطفي الشمع، لكن مرة واحدة لقيتها بتزعق وتقفل التليفون في وشي، كان موقف بايخ قدام اخواتي ومراتي وولادي وبنتي، اتكسفت شوية بس خلاص، قلبي اتوجع وقتها، لكن حاليا مش شايل منها خالص كان موقف بايخ يمكن بس الله أعلم بظروفها وقتها'.

كما تحدث طارق فؤاد، عن كواليس الصلح مع شيرين بعد هذا الموقف، وقال: 'كنا في عيد ميلاد سمو الأميرة سماهر وحسن أبو السعود كان متخانق مع شيرين في نفس التوقيت برضه، كانت عاملة مشكلة معاه'.

وأضاف فؤاد: 'لقيت حد بيغميني من عينيا من ورا وفضلت فترة، وبعد كده بلف لقيتها بتقولي حقك عليا ومش هعمل كده تاني'.

وتابع المطرب: 'هي طيبة وبحب صوتها أوي ولما غنت عيون القلب في الحفلة الأخيرة كانت حاجة تفرح القلب'.