مها أحمد تهاجم السقا وكرارة وتشمت بهما!

هاجمت الفنانة المصرية مها_أحمد، النجمين المصريين أحمد_السقا، أمير_كرارة، وكتبت تحكي بعض المواقف التي مرت بها معهما، معتبرة أنهما خذلاها وتكبرا عليها.

كتبت مها عبر صفحتها: (عوضي على الله دي الجملة اللي دايما بقولها لما اتصدم في أشخاص. الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على..، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا).

تابعت: (النجم الأولانى بيني وبينه عيش وملح وزمالة، رُشحت فمسلسل بطولته وكان بيقنعني بدور ولما وافقت بعتولي دور تانى معرفوش، دور متعملوش واحدة مبتدئة، المفروض انه عارف قيمتي الفنية، وعارف اني إضافة له، اتهرب مني وموقفش جنبي وباعني، رغم ان الكل عارف اني زي اخته).

وأضافت مها (أما التاني كان في بداياته يتمنى يسلم عليا ويقولي يا أستاذة، نزلت من نفسي وقلتله مش هنشتغل مع بعض، ما هي الحوجة مرة رد وقالي الدور ينادي صاحبه. طبعا محكلكوش قد ايه ندمت نفسي وعشت أسود أيام حياتي عياط واكتئاب. وقلت (عوضي عليك يا رب).. تمر الايام والاتنين يعلو ويتجمعوا مع بعض في مسلسل واحد (على عينهم طبعا)، ويمثلوا وحش قوي تمثيل الكفار، وطلعوا كمان مبيقروش اللى بيمثلوه، ويتحول المسلسل والدعاية الدراما كاملة لصالحها، وهما (مخدماتية للأستاذة).

واختتمت: (يمهل ولا يهمل ابدأوا من جديد يا أوفر تمثيل، ياللي مبتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح، بلاش تتشطروا على أساتذتكوا. (عوضنا على الله). يا رب متحوجنا لحد حتى ولو كان أقرب الناس لينا).

مها كتبت هذا الكلام بعد ساعات قليلة من صدور قرار شركة المتحدة للانتاج بعدم التعامل مع المخرج محمد_سامي، عقب الجدل الكبير الذي سببه مسلسله (نسل الأغراب) بطولة السقا وكرارة، وزوجة سامي مي_عمر.

مها روت تصرفات لا نعتقد أبداً إنها تصدر من السقا وكرارة، اللذان نعلم جيداً أخلاقهما العالية، ولا نظن أن أحداً منهما تكبر عليها أو عاملها بتلك الطريقة التي كتبت عنها.

وحتى وإن كانت صدرت تلك التصرفات من السقا وكرارة بحق مها، كان عليها عدم الشماتة بهما، لأن من يشمت فهو إنسان حاقد، كاره، وكنا نتمنى ألا تكون مها بهذه الأخلاقيات السيئة!