عمر عبد العزيز: مفيش قطيعة بيني وبين كريم عبد العزيز وأتمنى يشتغل مع ابن عمته المخرج محمد ياسين

وقال عمر عبد العزيز خلال لقاء مع et بالعربي: 'اتكتب إني أخيرا تصالحت مع كريم ومحمد عبد العزيز بعد قطيعة، إحنا أسرة مترابطة وعمرنا ما حصل بينا حاجة ناس عشان يعملوا مشاهدات يكتبوا كلام محصلش'.

وكشف عمر عبد العزيز سبب عدم تعاونه مع ابن شقيقه الفنان كريم عبد العزيز قائلا: 'كريم جيل تاني لما يجي وقت هنشتغل لو في موضوع يصلح أنا نفسي يشتغل مع محمد ياسين ابن عمته، لأنه جيل متقارب'.

وأوضح عمر عبد العزيز سبب غيابه وعدم تقديمه أي عمل منذ سنوات: 'مش أنا اللي بعدت جيلي كله استبعد كجيل وحتى أساتذتي علي بدرخان ومحمد عبد العزيز وخيري بشارة، هما عايزين مخرجين بيسمعوا الكلام ودا مش هيحصل إحنا اتربينا على أننا حريصون على شغلنا مش هدخل فيلم ولا مسلسل مكتوب نصه ولا أتصور أنهم يجيبوا الممثل قبل المخرج، لو ربنا أدانا عمر نرجع قريب ونشتغل بطريقتنا'.

كما علق عمر عبد العزيز على تصدره التريند بعد انتشار خبر زواجه وقال: 'أنا إنسان بحب الإنطواء أساسا وفي سني مش هعمل فرح، أنا زعلان أن الخبر انتشر بالشكل ده كان كتير، أنا بحب الخصوصية في حياتي، عاتبت بوسي شلبي عشان نشر الخبر لكن إحنا عارفين بوسي كويس'.

وتابع عمر عبد العزيز متحدثا عن يوم عقد قرانه: 'اللي عزمتهم دول أقرب الناس ليا ميرفت أمين دي أخت عمري ولبلبة وعماد رشاد وهاني لاشين أصدقائي المقربين والمخرج محمد ياسين ابن أختي'.

وكان المخرج عمر عبد العزيز احتفل بعقد قرانه يوم الجمعة 2 فبراير، وحضر عقد القران النجوم ميرفت أمين وإلهام شاهين ولبلبة وكريم عبد العزيز وزوجته وعماد رشاد والمخرج هاني لاشين وزوجته رشا سليمان والفنان رمزي العدل ومحمد العدل والفنانة وفاء عامر وزوجها المنتج محمد فوزي، المخرج محمد ياسين، خالد عبد الجليل رئيس الرقابة على المصنفات الفنية، غادة رجب وزوجها الشاعر عبد الله حسن وغيرهم.

لايفوتك: #شرطة_الموضة: أجمل إطلالات النجمات في Joy Awards ... وأسوأ الإطلالات