رضوى الشربيني لشيرين عبد الوهاب: لازم تحبي نفسك شوية.. ده انتي نص أغانيكي عن إزاي نحب نفسنا

وجهت مقدمة البرامج رضوى الشربيني رسالة للنجمة شيرين عبد الوهاب بعد الهجوم الكبير الذي تتعرض له بعد حفلها في ختام مهرجان موازين.

قالت رضوى الشربيني: 'الناس زعلانة منك أوي، وزعلانين عليكى أوي، زعلانين على كل الأغاني القوية اللي قوت ستات كتير أوي، وعلى فكرة أنا منهم، أنا من جمهورهم، خلي حسي دايما إنتي أد إيه شخص قوي، أنتي أقوى من الموقف ده، حتى لو الموقف دا صعب، وأنتي الست اللي قالت: أنا كتير، أنا كل حاجة وعكسها، أنا ألف حاجة على بعضها، عندك أغاني كتير أوي قويت بنات كتير، فاحنا زعلانين منك عشان عندك أغاني كتير قوّت بنات كتير، وزعلانين عليكي عشان للأسف الشديد، في واحدة ممكن تكون في عز قوتها وعزنجاحها وعزها، واختيار واحد بس غلط سواء كان اختيار راجل غلط، شغل غلط، وناس بتشتغل معاها غلط، ده كفيل يهد كل اللي أنا عملته'، في برنامجها 'هي وبس'.

وتابعت رضوى الشربيني: ارجوكي ما تسمعيش للناس اللي بتنتقدك عشان عايزين يوقعوكي، اسمعي للناس اللي بيحكوا لك الموقف صح عشان تخرجي منه، إنتِ شيرين عبد الوهاب، الست اللي كنت بشوفها واقفة على المسرح بتغني ازاي وواقفة ازاي وبتتكلم ازاي، ولابسة ايه وعاملة ميكاب وعاملة شعر، كنت ِبتطلع الموضة، ربنا مديكي حب الناس كدة لله في لله، عملتي حلو عملتي وحش طللعتي تصريح كويس طلعتي تصريح مش كويس، بيحبوكي، يلا بقى كفاية كده، لو اللي حوالينا ضرينا حتى لو أقرب الناس ليا بس ضريني، لازم بقى أحب نفسي شوية، ده انتي نص أغانيكي عن إزاي نحب نفسنا.

يذكر أن شيرين عبد الوهاب عادت بعد غياب سنوات إلى مهرجان موازين، وأحيت حفلا ضمن فعاليات الليلة الأخيرة من المهرجان، وأطلت على جمهورها ترتدي قفطانا واسعا باللون الأبيض من تصميم زهير مراد، وتركت شعرها القصير ينسدل ناعما.

بدأت شيرين الحفل بالتعبير عن اشتياقها لجمهورها، ثم كانت أغنيتها 'نساي' التي غنتها 'بلاي باك' مع مجموعة من أغانيها كميدلي، لكن الجمهور اعترض على غناء شيرين 'بلاي باك' وبدأوا بمطالبتها بالغناء بصوتها، لتلبي شيرين طلبهم وقدمت مجموعة من أغانيها، كما غنت أغنيات من أغاني مطربي الزمن الجميل.

ثم طلبت من الجمهور استراحة قصيرة لتدخل إلى الكواليس ثم تعود وتقدم مجموعة من أغانيها، كما استقبلت شيرين عبد الوهاب واحدة من جمهورها التي قدمت معها إحدى أغنياتها، وشهد الحفل حضورا جماهيرا كبيرا من جمهور شيرين عبد الوهاب الذي تفاعل مع كل أغانيها.