بالفيديو - دينا تثير الجدل بحديثها عن الفرق بين تربية الرجال والنساء

دينا

في حوارها مع برنامج 'الستات'، الذي تقدمه الإعلاميتان مفيدة شيحة وسهير جودة عبر شاشة قناة النهار، أثارت الفنانة دينا، جدلاً كبيراً بعد إعلان رأيها في الفرق بين تربية الرجال والنساء، حيث قالت إن التربية المصرية أساسها سيدة، وذلك بسبب انشغال الرجل بعمله على مدار اليوم، موضحة: 'كل بيوت مصر تربية واحدة ست، مصر كلها اللي مربياها واحدة ست، لأن الراجل أساسًا مش موجود، الراجل بيطلع يروح شغله ويرجع بليل مبيربيش والست هي اللي بتربي وأنا مش بقلل من وجود الرجالة'.

كما نصحت دينا، السيدات بعدم الانفصال عن أزواجهن في حالة وجود طفل صغير السن، مضيفة: 'الرجالة بعد الانفصال مبتكونش موجودة، ولو عايزين يربوا عيالهم ياخدوهم خميس وجمعة ويشاركوا في تربيتهم، ومبنصحش إن يكون فيه طلاق، وكل ما واحدة صاحبتي تقولي هطلق بقولها بلاش ابنك لما يوصل 12 سنة مش هتقدري عليه'.

وأضافت: 'ابني تأثر بعدم وجود والده، وافتقد وجوده طبعًا، وعدم وجود الأب حاجة صعبة جدًا وصعبة عليّ أنا كمان، وأنا ربيت علي ابني على إنه يبقى راجل ويعتمد على نفسه، ومخلتهوش مرفه، وكنت صارمة في تربيته، والأم بتفضل خايفة على ولادها لحد ما يكبروا'.

وروت دينا موقفًا جمعها بنجلها علي أثناء اختياره مجال الطبخ، مشيرة إلى أنها كانت تريده أن يلتحق بدراسة مجال التجارة والبزنس وليس الطبخ، قائلة: 'كنت عايزة ابني يدرس بزنس، بس قالي إنتي أهلك وافقوا على الرقص قولتله لا، وقالي إنتي نجحتي في إيه، قولتله الرقص، قالي ممكن تسبيني أدرس طبخ.. سكت وقولتله اتفضل'.

وأشارت دينا، إلى أن نجلها علي لا يحب مهنة الفن، موضحة: 'مبيحبش شغلة الفن، مع إني لما باخده نرقص شوية بيعمل الخطوات في ثلاث ثواني، عنده جينات بقى بس هو مبيحبش الشغل ده هو عايز يشتغل خمسة أيام ويومين إجازة'.