فيديو - رسالة محمد رمضان للشامتين في وفاة شاب خلال حفله الغنائي: هيقابل ربنا شهيد في أكل عيشه ... مش زيك فاشل

وجه النجم محمد رمضان رسالة لأسرة الشاب حسام حسن، الذي توفي نتيجة حادث في الحفل الغنائي الذي أحياه في الساعات الماضية.

وقال محمد رمضان في فيديو نشره عبر حسابه الرسمية في موقع التواصل الاجتماعي فيسبوك: 'بقدم التعازي لأهل حسام، ربنا يرحمه ويسكنه فسيح جناته، ويصبر أهله وأصحابه ويشفي المصابين'.

وأضاف محمد رمضان: 'طبعا لما شوفت الحدث وقفت الحفلة علطول وتعاملت زي أي إنسان، نزلت مع الناس وساعدت في نقلهم للإسعاف، ووقفت الحفلة وهديت من ذعر الناس علشان أثناء خروجهم ميحصلش تكدس وحوادث تاني. أشكر الناس المتفهمة اللي دعت لحسام، وإن إحنا الحمد لله ربنا ألهمنا الصح'.

وتابع: 'وزعلان من الناس الوحشة اللي كلامهم وحش وشمتانين في المتوفي، وبيقولوا هتقابل ربنا إزاي وإنت في حفلة، يقابل ربنا شهيد راجل في أكل عيشه وبيشوف شغله، مش فاشل زيك قاعد تكتب وتحدد مين هيدخل الجنة والنار'.

وكانت النيابة العامة أصدرت تقريرها حول حادث وفاة أحد العاملين بشركة ألعاب نارية بعد انفجار أنبوبة غاز في حفل النجم محمد رمضان.