حسن الرداد: إيمي سمير غانم طلبت الطلاق وإحنا في الطيارة مسافرين شهر العسل (فيديو)

تذكر الفنان حسن الرداد ما حدث بينه وبين زوجته الفنانة إيمي سمير غانم أثناء سفرهما لقضاء شهر العسل وطلبها الطلاق منه.

وقال حسن الرداد خلال لقائه في برنامج 'كلام نواعم' عبر قناة mbc1 خلال إجابته على سؤال عن سبب استمرارية ونجاح الزواج من وجهة نظره: 'أعتقد أن عقل الرجل في أوقات كتير بيكون السبب لأن الست أسهل كلمة عندها خصوصا في سنوات الزواج الأولى طلقني'.

وتابع حسن الرداد متذكرا ما حدث بينه وبين زوجته إيمي سمير غانم في شهر العسل وقال: 'أقسم بالله وإحنا لسه في الطيارة بهزر معاها ومعرفش إنها بتخاف من الطيران، وأنا في الطيارة ببقى كأني ماشي في البيت متحمس وبحب أتحرك وأفضل أقول الطيارة هتقع، لقيتها قعدت تعيط وتقولي طلقني وزعلت وفضلت أصالحها لحد ما وصلنا المكسيك'.

وأكمل حسن الرداد متحدثا عن نجاح الزواج: 'في بداية الجواز البنت لما بتضايق بتلاقي كلمة طلقني دي سهلة، لو الراجل ممسكش دماغه في كل المرات ممكن يحصل الانفصال، أول سنين جواز من وجهة نظري وتجربتي بيبقوا صعبين أوي عشان تفهموا طباع بعض، وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل'.

على جانب آخر، يشارك حسن الرداد في رمضان 2024 بمسلسل 'محارب'.

مسلسل 'محارب' من بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور، تأليف محمد سيد بشير وإخراج شيرين عادل وإنتاج أحمد السبكي.

لايفوتك: #شرطة_الموضة: أجمل إطلالات النجمات في Joy Awards ... وأسوأ الإطلالات