شيرين عبد الوهاب: لقوا ثعبان في بيتي ... وحلم حياتي أسكن في القلعة

كشفت النجمة شيرين عبد الوهاب عن أن الإقامة في التجمعات السكنية الجديدة (الكومباوند) لا تستهويها، وهي تحلم بالعودة لمنطقة نشأتها والسكن في القلعة.

وقالت شيرين خلال حوارها مع الإعلامي عمرو أديب والنجمة أصالة في برنامج 'بيج تايم بودكاست' المذاع عبر قناة MBC: 'حلم حياتي أسكن في القلعة، عايزة أعيش في البيوت والشوارع المزيتة اللي عمرها قرون، مش في الصحرا اللي إحنا عايشين فيها'.

وأضافت: 'أنا جالي تليفون إنهم لقوا ثعبان في البيت في الكومباوند، ودع معناه إني مش داخلة التجمع كله مش البيت، وراجعة القاهرة مش عارفة أروح بيت مين من صحابي'.

تحدثت شيرين خلال اللقاء عن بناتها قائلة: 'الحمد لله كويسين وعايشين معايا، وبيشوفوا أبوهم لما يحتاجوا، وأنا ربيتهم على إن كل واحد يبقى نفسه، وأنا مش عارفة ماما يعني إيه وبتعلم فيكم فساعدوني'.

وتابعت: 'بنتي الكبيرة عازفة بيانو ماهرة كإنك بتسمع ياني، وتحايلت عليها تطلع على المسرح في حفلتي لكن رفضت ومش عايزة تبقى مشهورة'.

وأكملت: 'بنتي الصغيرة حابة تعيش مع أصحابها في بيت فيه أب وأم وجد وجدة'.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل