نجل سليمان عيد يوجه رسالة بعد انتهاء عزاء والده

وجّه عبدالرحمن سليمان عيد رسالة شكر للمعزين بوالده الفنان الراحل سليمان عيد، من خلال منشور عبر حسابه على منصة التواصل الاجتماعي 'فيسبوك'.

نجل سليمان عيد يوجه رسالة شكر

شكر الله سعيكم جميعا ???? ملتمسين العذر لكل اللي مقدرش ييجي العزا و مقدرين ظروف كل الل كان نفسه ييجي ربنا يجعله في ميزان...

قال نجل سليمان عيد: شكر الله سعيكم جميعاً، ملتمسين العذر لكل اللي مقدرش ييجي العزا، ومقدرين ظروف كل اللي كان نفسه ييجي، ربنا يجعله في ميزان حسناتكم ويغفر لأبويا ويرحمه.

ووجّه عبدالرحمن في منشوره رسالة شكر للعديد من الأشخاص، قائلاً: شكرا لكل اللي طبطب على قلوبنا أنا وأمي وأختي، شكرا من قلبي بجد لأخواتي وأصحابي وأساتذتي اللي وقفوا جامبي من أول لحظة/ ومسابونيش أبدا لحد دلوقتي. ربنا يخليكم ليا ويباركلكم في حياتكم ويديم المحبة بيننا يا رب. بحبكم اوي والله وكل واحد فيكم عارف هو عندي إيه.

عبدالرحمن سليمان عيد يطلب السماح

طلب نجل الفنان الراحل السماح من آخرين بقوله: سامحوني في ناس كتير أوي أوي بجد باعتينلي، وأنا مش عارف أرد على العدد ده، ومحدش يزعل إني مقدرتش أرد بس والله تسلم إيديكم وعظم الله أجركم جميعا والحمدلله على حب الناس.

واختتم عبدالرحمن سليمان عيد منشوره قائلاً: آخر وأهم حاجة ورحمة أبويا الغالي، كل من دفع جنيه أنا معرفش عنه حاجة في خارجة أبويا لحد إنهارده، يبلغني بيه عشان يكون مرتاح ومطمن، ولو في حد له عندي أو عند أبويا أي حاجة أرجوكم يعرفني ضروري، اللهم ارحم موتانا وموتى المسلمين جميعاً.

وكان الفنان سليمان عيد توفي في 18 أبريل/ نيسان الحالي بشكل مفاجئ وسط صدمة الوسط الفني ومحبيه، وشهدت جنازته وعزاؤه حضوراً فنياً لافتاً، عكس مكانته لدى زملائه من النجوم.