مازح الفنان تامر حسني طليقته الفنانة بسمة بوسيل بعد إعلانها عن أغنية جديدة تستعد لطرحها.

نشر تامر حسني عبر خاصية القصص القصيرة في حسابه على Instagram مقطع فيديو تشويقي لأغنية بسمة بوسيل الجديدة وكتب لها: 'ماشي يا بسوم نازلة في نفس اليوم معايا إحنا هنقطع على بعض كده، بهزر معاكي ربنا يكرمك وأغنيتك تكسر الدنيا وتبقى أنجح من أغنيتي كمان، والله والله من قلبي'.

لترد عليه بسمة بوسيل: 'والله ما كنت مركزة في اليوم، أنت فاهم النجوم بيسقطوا ساعات، شكرا يا تيمو وإن شاء الله ربنا يكرمنا جميعا'.

وكانت بسمة بوسيل كشفت عن أغنية جديدة تستعد لطرحها قريبا وشوقت الجمهور لها وقالت: 'صحيت مبسوطة الحمد لله فحبيت انكد عليكوا بأغنيتي الجديدة اللي هتنزل يوم 15 يناير أغنية كلاسيكية راقية جدا تحسوا كده إنها بتعبر عن صرخة أنثى، 'لأ ثواني' هتبقى إن شاء الله رائعة من روائع الزمن المهبب اللي إحنا فيه ده'.

على جانب آخر، تحدث الفنان تامر حسني عن إمكانية عودته لطليقته بسمة بوسيل.

ونشر تامر حسني عبر خاصية القصص القصيرة في حسابه على Instagram مقطع فيديو من لقاء له مع ET بالعربي وأوضح أن رده لم يكن على السؤال حول عودته لطليقته وحكى ما حدث في كواليس اللقاء.

وكتب تامر حسني: 'طبعا هما بيدوني ورقة اقرأها والسؤال المذيعة مسألتوش المفروض بقرأها أنا لوحدي وليا حق الرد أو لأ، والمفروض المذيع ميقولهاش بما أنه بيوريهالي على ورقة'.

وتابع تامر حسني: 'أنا قريت بس كلمة إشاعات فرديت على طول، ومعرفش السؤال تكملته إيه لأن سنة جديدة مش هعيد على الناس أكيد غير بدعوة حلوة للناس وللبلدان العربية، مش إني اتكلم على إشاعات، اعتقد مكنش ينفع أن المذيع يذكر سؤال المفروض أنه سري عشان كده مكتوب وكمان المذيعة مسألتوش لأن السؤال احترم حريتي الشخصية واتكتب في ورقة يبقى إزاي بنعرضه للناس، أتمنى من أي مذيع ومحطة كبيرة متقعش في الخطأ ده تاني لأننا بنحترمكم ونقف نتكلم معاكم بكل حب هي ملحوظة بمنتهى الحب مش أكتر لأن الطريقة دي ممكن تتسبب غصب عنكم في فتن وممكن تتفهم غلط خصوصا أني مكملتش قراءة السؤال لأن أول كلمة إشاعات'.