خلال لقائها مع برنامج 'كلاكيت' الذي تقدّمه لينا الطهطاوي عبر إذاعة 'نجوم FM'، كشفت الفنانة عبير صبري عن كواليس عملها مع الفنانة ريهام حجاج وعلاقة الصداقة القوية التي تجمعهما.

وقالت عبير: 'ريهام حجاج صديقتي الصدوقة في الوسط الفني، أنا لأول مرة يكون عندي صديقة بمعنى كلمة صديق في الوسط الفني هي ريهام حجاج، لأنها إنسانة جميلة'.

وتابعت: 'الناس بتقولي عشان بتشتغلوا مع بعض وأنا الكلام ده بالنسبة ليا مش بردّ عليه لأنه مش المستوى اللي برد عليه، أنا ريهام زي مروة أختي بالنسبة ليا أنا بلجأ لريهام زي مروة، أقولها يا ريهام حصل كذا اتصرف إزاي وهي تقعد تتكلم معايا وتدّيني وقت طويل ودي حاجة مش سهلة إن حد يديكي وقت طويل ويفكر معاكي ويفكرلك'.

وأكملت عبير صبري حديثها عن ريهام حجاج ووصفتها قائلةً: 'هي شخصية متزنة جداً ومثقفة وعقلانية وجدعة، هي شخصية تساوي وزنها دهب'.