تحدثت الفنانة هيدي كرم عن فكرة تقبلها الزواج من غير ديانتها.

وقالت هيدي كرم خلال لقائها في بودكاست 'وفيها إيه': 'في ناس كتير اتجوزت من نفس ديانتها وفشلت وناس اتجوزت من ديانات مختلفة والعلاقة نجحت، أنا مؤمنة تماما أن الدين دا حاجة بيني وبين ربنا'.

وتابعت هيدي كرم: 'مهم طبعا أن إحنا نحترم أفكار وأديان بعض ومن هنا بيجي تقبلي ليك، ما أنا لو مش محترمه دينك ومش محترمه فكرك وعقيدتك اللي انت اتولدت لقيت نفسك عليها هقولك متجوزش واحد مش من ديني وابدأ أخاف'.

وأكملت هيدي كرم: 'لكن لو احترمت فكرك وعقيدتك هتقبلك في الحياة بكل الأشكال، صديق وزوج وحبيب واتقبلك أم، ممكن تبقى أم مسيحية متجوزه من مسلم ومخلفه أولاد مسلمين، هو هيتقبل أن أمه مسيحية بتروح الكنيسة في الأعياد وبتصوم صيامها وهي هتتقبل أن أولادها مسلمين وبيروحوا الجامع وبيصوموا صيامهم، انت لازم تعيش في تقبل الآخر لأن كل المشاكل والحروب والعنف طلع بسبب عدم تقبل الآخر لازم نتقبل بعض معندناش حل تاني'.

يذكر أن هيدي كرم عرض لها مؤخرا عبر قناة ON مسلسل 'وتر حساس'، بطولة صبا مبارك ومحمد علاء وإنجي المقدم وهيدي كرم وأحمد جمال سعيد ومحمد العمروسي وهاجر عفيفي ولطيفة فهمي وتميم عبده وأحمد طارق نور ومحمد علي رزق، وهو من تأليف أمين جمال وإخراج وائل فرج.