نفى الكاتب خالد صلاح أن يكون المخرج طارق العريان رفض كتابة اسمه على تتر مسلسل 'معاوية' ليتبرأ منه بعد عرضه والانتقادات التي وجهت له.

وحكى خالد صلاح خلال لقائه في برنامج 'سابع سما' مع راغدة شلهوب: 'طارق العريان كان عنده وجهة نظر وحقيقي ملهاش علاقة لأن بعض الناس روجت أن طارق شال اسمه من المسلسل كأنه خايف يحطه على التتر أو كأنه بيتبرأ من العمل ودا مش حقيقي'.

وتابع خالد صلاح: 'الحاجات اللي ضايقت طارق كانت في الكواليس، مش في السيناريو لأني كنت بعرض عليه اللي بكتبه لأنه المخرج وكنت بنقل له التاريخ كان شكله إزاي وجغرافيا المكان'.

وأضاف خالد صلاح: 'هو شال اسمه من العمل بسبب حاجات لوجستية سابقة عن عرض العمل، طارق مشي قبل ما mbc تعلن عن العرض بسنتين أو بسنة ونص، هو مكملش بسبب وجهات نظر متضادة مع المنتجين المنفذين فشاف أنه مش هيعرف يكمل، هو عايز خوذة من إسبانيا جابوها له من تركيا، أنا بقول أمثله هي حاجات لوجستية ملهاش علاقة بطبيعة النص، بالعكس طارق قلت له إننا هنتهاجم جامد وهنروح في حته مش لذيذة في العالم العربي وكله وكان بالشجاعة الكافية'.

مسلسل 'معاوية' من تأليف الصحفي خالد صلاح، وإخراج طارق العريان، الذي انسحب لاحقا ليحل محله المخرج أحمد مدحت. ويضم العمل نخبة من النجوم العرب، من بينهم لجين إسماعيل في دور معاوية بن أبي سفيان، وإياد نصار في دور على بن أبي طالب، وسهير بن عمارة في دور هند بنت عتبة، وائل شرف في دور عمرو بن العاص، وأسماء جلال في دور زوجة معاوية.