رد المخرج خالد الحلفاوي على الانتقادات التي وجهت لمسلسل 'كامل العدد ++' بسبب مشهد ظهرت فيه الفنانة دينا الشربيني بملابس ممرضة.

وانتقد البعض وخاصة الأمهات وجود مشهد كهذا في مسلسل يتابعه الأطفال مؤكدين أنه لا يناسب عمل عائلي.

وقال خالد الحلفاوي في تصريح لـFilFan.com: 'هما المفروض أن الأطفال مش هيفهموا إيه اللي حاصل لأن إحنا معرضناش المشهد بشكل فج أو مشرحناش دا إيه، اللي فاهم هو خلاص فاهم مش إحنا اللي فهمناه واللي مش فاهم معتقدش أن المشهد دا هيفهم حاجة، الطفل مش واصل للمرحلة دي هيفهم أن دا هزار ولعب'.

وكشف خالد الحلفاوي عن رأيه في تقديم جزء رابع من مسلسل 'كامل العدد' وقال: 'العلم عند الله أنا مش بقعد أخطط هعمل إيه السنة اللي جايه، دي حاجات بمشي ورا قلبي، ومحدش بيقول لأ للفكرة الحلوة لكن حتى الآن إحنا متكلمناش في فكرة الجزء الرابع'.

وعرض الجزء الثالث من مسلسل 'كامل العدد++' في النصف الأول من شهر رمضان 2025.

مسلسل 'كامل العدد' من بطولة دينا الشربيني، شريف سلامة، بدرة، إسعاد يونس، تميم عبده، حسين فهمي، مريم الخشت، أحمد عبد الوهاب، ميمي جمال، أحمد كمال، ألفت إمام، أحمد جمال سعيد، سمر علام، جاسيكا حسام الدين، لينا صوفيا بن حمان، حمزة دياب، مالك عماد، تأليف رنا أبوالريش، ويسر طاهر إخراج خالد الحلفاوى.