حلت الفنانة دينا ضيفة على برنامج 'شو القصة' من تقديم رابعة الزيات.

وكان لدينا تصريحات عديدة خلال البرنامج، عن بداياتها وزيجاتها وعلاقتها بابنها وعلاقتها بوالدها.

كما كشفت دينا خلال اللقاء عن طقوسها قبل الرقص وقالت إنها تقوم بالدعاء موضحة: 'قبل ما ابدأ وصلة الرقص بقول 'اللهم خير حافظا وهو ارحم الراحمين من أمامي ومن خلفي ومن يميني ومن يساري ومن تحتي ومن فوقي' وبقول أدعية تانية لأن ممكن نلجأ لمين غير ربنا؟ هو أحسن حاجة في الحياة هعمل إيه قبل ما ابدأ أي حاجة'.

وتابعت دينا: 'أنا حجيت مرة واحدة هو اسقاط فرضية وربنا ينولنا التانية، ورحت العمرة كتير مش فاكرة بروح كتير كل ما يبقى عندي الحظ ويجيلي البخت إني أروح بروح بحب، واللي بعيشه هناك حالة حب، حب ربنا هو الحب الكبير اللي أكبر من أي حب عشان كده أنا مش محتاجة حب، أنا مش واخدة الدين ولا ربنا من منطلق أن انتي طلعتي لقيتي نفسك مسلمة لازم تبقي مسلمة أنا بحب ربنا وفي بيني وبينه علاقة'.

وعن رأيها في فكرة أنها ترتكب معصية بالرقص قالت: 'أنا بتعامل مع نيتي لربنا أنا مبعملش معصية، النية من جوا مفيهاش معصية، وأنا حتى لو مرقصتش كنت هلبس عريان كنت هرتكب نفس الحرمانية مش هتفرق'.

المزيد من تصريحات دينا في هذا الألبوم.