خضعت الفنانة سوسن بدر لعملية جراحية بعد تعرضها لكسر في المفصل.

وكشفت الإعلامية سهير جودة في برنامجها 'الستات' تفاصيل ما حدث مع سوسن بدر وحكت: 'يوم الخميس اللي فات سوسن بدر رايحة تصور أول حاجة في مسلسل جديد، وكان في 'عتبة' صغيرة جدا مثلا 3 سم اتكعبلت ووقعت حصلها كسر في المفصل وأخدوها في الإسعاف ودوها مستشفى وعملت عملية وركبت دعامة في الفخذ'.

وتابعت سهير جودة: 'الدكتور طمنا والعملية نجحت بس طبعا في ألم فظيع لأن ألم العظام لا يحتمل، هي هتفضل فترة مش بتتحرك لحد ما الدنيا تستقر'.

وأضافت: 'هي عندها تصوير في مسلسلات تانية ولسه في مشاهد كتير متعملتش ودا مسلسل كان لسه بتبدأ فيه تصوير'.

وكانت سوسن بدر انضمت مؤخرا لأبطال مسلسل 'الفرنساوي' ويتكون من 10 حلقات وبطولة عمرو يوسف ومن تأليف وإخراج آدم عبد الغفار.

وتشارك سوسن بدر في موسم رمضان 2026 بمسلسلي 'توابع' ومسلسل 'الست موناليزا'.

ومسلسل 'توابع' بطولة ريهام حجاج وأسماء أبو اليزيد وأنوشكا ومحمد علاء وسوسن بدر وهاني عادل وعبير منير، من تأليف محمد ناير وإخراج يحيى إسماعيل.

ومسلسل 'الست موناليزا' بطولة مي عمر، سوسن بدر، شيماء سيف، إنجي المقدم، وفاء عامر، أحمد مجدي، محمد محمود، وجوري بكر، حازم إيهاب، مصطفى عماد، مصطفى البنا، سلوى محمد علي، محمود عزب، والمسلسل تأليف محمد سيد بشير، إخراج محمد علي، والعرض على قنوات MBC ومنصة 'شاهد'.