علقت الفنانة بشرى، على الانتقادات التي توجه للفنان محمد رمضان من وقت لآخر، وآخرها بسبب إطلالته في حفله بمهرجان كوتشيلا في الولايات المتحدة الأميركية.

قالت بشرى، في تصريحات صحافية على هامش حضورها بمهرجان الإسكندرية للفيلم القصير: 'النقد مش جديد على أي فنان خصوصًا لو محمد رمضان، وهو متعود عليه وبيعرف يتعامل مع السوشيال ميديا كويس جدًا، وجريء وعنده وجهة نظره وبيتابعه شباب كتير وبيحبوه'.

تابعت: 'هو برضه فيه حاجات لما بتتعمل في مناخ عالمي بتكون غريبة على العالم بتاعنا، ولكن بره مبتثيرش الجدل وده بسبب ثقافتنا، ومش جديد على محمد رمضان إنه يبقى بره الإطار التقليدي والجمهور اتعود عليه على كده'.

كانت بشرى قد علّقت على التنمّر على بعض الفنانات بسبب ظهورهن من دون مكياج، مهددةً باللجوء الى القضاء إذ تجاوز أحدهم الحدود وانتقد ملامحها.

وجاء تهديد بشرى في سياق حديثها عن أهمية المكياج ووسائل التجميل للممثل، ومتى يستخدمها ومتى يستغنى عنها لصالح الدور الذي يجسده.

وقالت بشرى على هامش ندوة تفاعلية في 'مهرجان الإسكندرية للفيلم القصير': 'في مسلسل 'سيد الناس' قصدت إني مطلعش بمكياج لأني أم وست جاية من برا مصر، وهما معندهمش البهرجة ورفاهية البوتوكس والمكياج، وده رد غير مباشر على فكرة التركيز على هوَس الجمال، وإن الست لازم تكون حلوة'.

وتابعت: 'أنا بعمل الحاجات الطبيعية لكن مش لازم أشيل كل التجاعيد والكرمشة اللي بتبان في وش الممثل لما يضحك أو يتعصب، دي حاجات طبيعية ومهمة تكون موجودة، وأنت من حقك تنتقدني بأدب، لكن لو هتقلّ أدبك هخدك القسم وآخد حقي'.