انتقدت الفنانة منال سلامة الحديث عن ابنتها الفنانة الشابة أميرة أديب بطريقة سلبية، بعد ظهور أميرة ابنتها في فيديو في برلين، فهمه البعض على أنه مشاركة من ابنتها في حفل زفاف للمثليين، دون معرفة حقيقة الاحتفال.

وقالت منال سلامة في تصريحات لبرنامج 'ET بالعربي': 'دول مجموعة أصدقاء شباب وبنات زي الفل، واللي مش عارف في أوروبا وأمريكا السكن غالي جدا، والشباب بيؤجروا بيوت يعيشوا فيها مع بعض'.

وأضافت منال سلامة: 'باختصار شديد هما فكروا ليه في عيد ميلاد أب وعيد ميلاد أم وعيد زواج ومفيش عيد للصداقة، فقالوا نحتفل بالثلاث أصدقاء دول اللي صداقتهم ممتدة 15 سنة، وعملوا طقس شبه الجواز كأصدقاء، فالاحتفال بالصداقة فقط لا غير، والمخطوبات للولاد حضروا الاحتفال'.

وتابعت: 'مش فاهمة ليه الباحثين عن التريند بياخدوا صورة ويحطوا فهمهم الخطأ على الصورة ويعملوا دربكة، وأنا مش مسامحة أي حد بيتكلم عن عيلتي بأي شيء سلبي غير حقيقي حسب فهمه الوحش ونفسيته الوحشة'.

وكانت الفنانة الشابة أميرة أديب نفت الشائعات المتداولة حول حضورها حفل زفاف للمثليين، مؤكدة أن مقاطع الفيديو والصور المنتشرة لها برفقة ثلاثة من أصدقائها كانت لاحتفالية ودية تحتفي بصداقة ثلاثة رجال من 'شلتها'، دامت صداقتهم 15 عاما أقاموا خلالها معا، إلى جانب كون كل منهم طرفا في علاقة نسائية.

وقالت أميرة أديب في فيديو نشرته عبر حسابها في 'تيك توك': 'من كام يوم أنا وصحابي كنا بنتكلم عن موضوع الجواز، وبنقول ليه مش بنحتفل بالصداقة زي ما بنحتفل بالجواز، وإننا محتاجين نعمل أفراح للناس الصحاب عادي'.

وأضافت أميرة أديب: 'قررنا نعمل فرح أو احتفال للتلاتة أصحابي لأن بقالهم 15 سنة أصحاب، ونعزم أصحابنا المقربين ونعمل حفلة على السطح'.

وتابعت: 'دول رجالة كلهم بيحبوا بنات، والبنات صحابهم كانوا موجودين، أنا مش شايفة إن فيها حاجة غلط، وده مش فرح بجد، ومفيش حد يعرف يتجوز تلاتة'.