فجّر محامي جابي الكهرباء ضحية الدهس أسفل سيارة الفنان نور النبوي، مفاجأة مدوّية في سير القضية حيث اتّهم الفنان الشاب بأنه لم يكن في حالة اتزان بل تحت تأثير المخدّر.

وقال محامي الضحية، في مداخلة هاتفية مع برنامج 'كلام الناس' الذي تقدّمه الإعلامية ياسمين عز على قناة mbc مصر: 'نور اختفى من يوم الأربع والمعاملة الأول كانت كويسة جداً، وبعد كده مبقاش حد بيردّ علينا، لحد إمبارح متخدناش أي موقف قانوني، وأنا أول مرة في عملي القانوني أشوف إن الجاني هو اللي بيقول تصريحات، والأستاذ نور والمحامي الخاص بيه بيقولوا حاجات كذب وافتراء، أول حاجة قالوا إن نور تكفّل بالعلاج وده محصلش'.

وأضاف محامي ضحية دهس نور النبوي: 'محامي نور اتفق مع المحصّل إنهم يدفعوا له 150 ألف عن الـ6 شهور اللي هيقعدهم في البيت، ومحدّش دفع حاجة، نور هيطلع الشكل الكويس المتربي اللي راضى المحصل، ما أنت اختفيت والفلوس من يوم الأربع، والـ150 ألف دول مش تعويض الراجل عنده أولاد هيصرف إزاي على بيته والعلاج الطبيعي'.

واختتم حديثه بالقول: 'هنطلب تحليل مخدرات لأن تصرفاته مكنتش متزنة، وهنطلب شهادة الشهود، والراجل مش عايز أي تعويض مادي، واللي غلط ياخد جزاءه، وبنوجّه رسالة لنور: لو أنت شاب صغيّر وقدرت الموضوع غلط في إيدك تصلحه إحنا مستغربين من ردّ فعلك'.