علق المطرب عمر كمال على الجدل الذي ثار مؤخرا حول كلمات أغنية قديمة له.

وقال عمر كمال في فيديو نشره عبر صفحته الرسمية في موقع التواصل الاجتماعي 'فيسبوك': 'أنا طالع أشرح لناس لغط، أو في بوستات كتير شوفتها على موضوع أغنية كنت عاملها، عشان متفهمش غلط'.

وأضاف عمر كمال: 'من 4 سنين كنت بنفذ أغنية وكان فيها عبارة بتقول 'أنا الشيطان السالك يا ملايكة يا منافقين'، وكان الغرض من الكوبليه ده إني أقول أنا وحش وإنتو حلوين، أنا وحش ممكن يكون فيا حاجة حلوة، وإنتو عاملين ملايكة بس فيكو حاجات كتير وحشة'.

وتابع: 'بعد ما خلصت الأغنية وسمعتها لناس حواليا قبل ما تنزل قالولي يا عمر الكلام ده مش حلو ممكن يتفهم بكذا معنى، فحاولت أغيره، وقفلت من الأغنية ومنزلتهاش'.

وأكمل: 'فعلا منزلتش الأغنية بسبب ممكن تكون كلمات فيها حرمانية وتجرأ على الملايكة. اللي يعرفني يا جماعة يعرف إني طالع من بيت متدين، ومفيش عقل ولا منطق يقول إني أتجرأ على ربنا أو على ديني'.

وحرص عمر كمال على الاعتذار عن كلمات الأغنية قائلا: 'معرفش ليه كل فترة حد يطلع يستخدم الكلمات دي وينزلها من أول وجديد ويعمل مشكلة، وبعتذر لأي حد سمع الكلام ده ومش فاهم حقيقة الموضوع'.