كشفت الفنانة أنوشكا أنها تتمنى أن تقدم دويتو غنائي مع مطربي الراب.

وقالت أنوشكا خلال لقائها في برنامج 'أجمد 7': 'أنا أحب جدا أعمل دويتو مع رابرز، بسمعهم بس مش ببقى عارفة دا مين لأن على أيامي مكانش فيه'.

وتابعت أنوشكا: 'أنا توقفت أو كان اهتمامي في الدراما التمثيلية أكتر وفي جيل كامل طلع بيقدموا حاجات حلوة جدا بس مببقاش عارفة دا صوت مين بس بحبهم جدا وبحب اختياراتهم بحب تامر حسني وأحمد سعد وحسين الجسمي وشيرين عبد الوهاب ومي فاروق ومروة ناجي، إحنا عندنا عتاولة'.

وأكملت أنوشكا: 'أنا مختلفة صوتي أكثر فيروزيات عن كلثوميات كل واحد فينا ليه بصمته اللي بتختلف تماما عن الأخرى لو أنت عارف إيه اللي لايق عليك بحب اسمع وأحب أشوف وفي الآخر خالص أحب أقدم المناسب ليا'.

على جانب آخر، شاركت أنوشكا في موسم رمضان 2026 بمسلسل 'توابع' وتكون من 15 حلقة وعرض في النصف الأول من الشهر الكريم.

مسلسل 'توابع' بطولة ريهام حجاج، أسماء أبو اليزيد، أنوشكا، محمد علاء، هاني عادل، وغيرهم من الفنانين، ومن تأليف محمد ناير ومن إخراج يحيى إسماعيل.

نرشح لك: إيه رأيكم لو حولنا البروفيسور لمسلسل مصري. مين يعمل الأدوار؟