علقت الإعلامية هالة سرحان على فيديو منتشر لها عبر مواقع التواصل الاجتماعي، والمراسلة اللبنانية جاسينت عنتر، تسألها عن اسمها وجنسيتها في منتدى الإعلام العربي.

قالت هالة سرحان: 'إحنا مصريين نحب الهزار، فهي البنوتة صغيرة وأول مرة تقف، ومحفظينها الأسئلة، وقالت لي (إحنا على الهوا)، طبعا المخرج مفهمها أول ما هتقولي احنا على الهوا هيخافوا، فلازم هيكلموكي، فقالت لي (إحنا على الهوا، أنتي من أي بلد؟)، فهزرت معها، وقولت لها حبيبتي إنتي مش عارفة اسمي، طب أنا هقول لك أنا مين، كدة بردو، طب اسألي وتعالي اسأليني، فقالوا لها (هالة سرحان) قولت لها بيغششوكي'.

وتابعت هالة سرحان: 'خدتها في حضني بعدها وقولت لها برافو عليكي، إن أنتي أصريتي تسأليني والمرة اللي جاية لازم تذاكري، لازم تشوفي من السن والهيئة تشوفي إن دا شخص أكيد بينتمي للمهنة، وهو درس صغير لما تبتدي وأنتِ صغيرة لازم تعرفي مين الأسماء اللي صنعت تاريخ جوا المهنة، مابتكلمش على نفسي، أنا اتعلمت انظر إلى السابقين'.

وكان فيديو جاسينت عنتر وهالة سرحان انتشر عبر مواقع التواصل الاجتماعي رغم حذف قناة الجديد له، ولاقى ردود أفعال مختلفة.