كشفت الفنانة مي عز الدين عن أمنيتها تقديم جزء جديد من فيلم 'عمر وسلمى'.

وظهرت مي عز الدين في فيديو عبر حسابها على 'تيك توك' أجابت فيه على أسئلة جمهورها ومنها سؤالا حول إمكانية تقديم جزء جديد من 'عمر وسلمى'.

وقالت مي عز الدين: 'أنا يفرحني لو في جزء جديد من عمر وسلمى لأنه من أكتر الأفلام اللي بحبها أوي ليها جمهور كبير والشغل مع تامر حلو، ويارب بإذن الله'.

كما أجابت مي عز الدين على أسئلة الجمهور حول طريقتها للعناية ببشرتها وقالت: 'أنا الحاجة الوحيدة اللي بعملها لبشرتي إني من وقت للتاني كل مثلا 3 أيام بعد ما اغسل وشي بصابونة عادية تخص البشرة بحط زيت طبيعي، حبة البركة هي زيوت كويسة للبشرة ودا اللي بستعمله مرة كل مثلا 3 أيام غير كده مبعملش أي حاجة تانية'.

❤️

وتابعت مي عز الدين: 'ممكن من الوقت للتاني اللي بيبقى كويس أوي ماية الورد بغسل وشي بيها، مليش في الكريمات ومليش في أي حاجة تانية مش طبيعية بالذات في البشرة بس أهم حاجة منحطش مكياج كتير منستهلكش البشرة حتى الكريمات في منها كتير مش بيكون مفيد'.

على جانب آخر، شاركت مي عز الدين في موسم رمضان 2025 بمسلسل 'قلبي ومفتاحه'.

وتكون مسلسل 'قلبي ومفتاحه' من 15 حلقة وعرض في النصف الأول من شهر رمضان.

يناقش مسلسل 'قلبي ومفتاحه' في إطار رومانسي موضوع 'المحلل' بعد تطليق الزوجة 3 مرات، من خلال شخصية سائق الأوبر (آسر ياسين)، الذي يبلغ من العمر 40 عاما ولم يسبق له الزواج، وسيدة مطلقة 3 مرات (تلعب دورها مي عز الدين)، وتبحث عن 'محلل' لتتمكن من العودة إلى زوجها، وعندما يقع اختيارها على شخصية آسر ياسين في العمل، يتغير مسار حياته بطريقة غير متوقعة.

يشارك في بطولة مسلسل 'قلبي ومفتاحه' إلى جانب آسر ياسين ومي عز الدين كل من دياب، أشرف عبد الباقي، أحمد خالد صالح، سماء إبراهيم، حازم سمير، عايدة رياض، تقى حسام، وعدد آخر من الفنانين، وهو من تأليف وإخراج تامر محسن، وإنتاج شركة media hub سعدي- جوهر.