كشفت الفنانة صابرين عن رأيها في تقديم جزء ثاني من مسلسل 'إقامة جبرية' الذي انتهى عرضه قبل أيام عبر منصة Watch It.

وقالت صابرين خلال لقائها في برنامج 'كلمة أخيرة' من تقديم لميس الحديدي عبر قناة ON: 'أنا بصراحة مش من أنصار الأجزاء التانية وحتى كمان كانت هنا الزاهد مش من أنصار الأجزاء التانية، لكن قفلة الحلقة الأخيرة بصوت نفس هو أدى معنى أن 'عايدة' ارتاحت، وفي ناس فهمتها أن 'سلمى' صحيت تاني عشان تطلع وتعمل حاجات تانية، ودا هيرجع للكاتب'.

وعن شرطها للمشاركة في الجزء الثاني إذا تم تنفيذه قالت صابرين: 'الأحداث تبقى أقوى، ويبقى متصدق، لو على الورق صدقت الحالة كلها مش بس دوري، ممكن يتعمل جزء تاني وأنا مش فيه بس المهم يكون متصدق، يعني ممكن ترجع وتعمل قصص مع ناس آخرين'.

وعن رد فعلها بعد مشاهدة المسلسل قالت صابرين: 'الحبكة الدرامية عجبتني، وقفلة كل حلقة كانت قوية ببقى عارفة أن الناس كلها هتسأل إيه اللي هيحصل، ودا فعلا حصل ناس كتير بتكلمني تسألني وتقول لسه هنقعد أسبوع نستنى'.

مسلسل 'إقامة جبرية' من بطولة صابرين، هنا الزاهد، ومحمد الشرنوبي، ثراء جبيل، عايدة رياض، محمود البزاوي، ولطيفة التركي. تأليف أحمد عادل، وإخراج أحمد سمير فرج.