شارك النجم أحمد زاهر جمهوره عبر صفحته الرسمية بموقع التواصل الاجتماعي فيسبوك فيديو من عقد قران ابنته الفنانة ليلى أحمد زاهر، والفنان هشام جمال.

شهد عقد القران لحظات تأثر فيها أحمد زاهر وظهر وهو يمسح دموعه، وكذلك ابنته ملك أحمد زاهر، وشهد على عقد القران رئيس النادي الأهلي محمود الخطيب.

تولى عقد القران الشيخ رمضان عبد المعز، الذي طلب من هشام جمال ترديد جملة 'زوجني بنتك ليلى الله يكرمك'، وهو ما رسم الابتسامة على وجه والد العروس، وأشاع جوا من السرور بين الحاضرين.

وكانت الفنانة الشابة ليلى أحمد زاهر تحدثت عن خطيبها الفنان هشام جمال وأهم ما يميز علاقتهما.

وقالت خلال لقائها ببودكاست 'موضوع عائلي' مع صدقي صخر: 'لما بتلاقي حد خايف عليك بجد من قلبه ومحترم أوي وبيحافظ عليك زي ما أبوك طول عمره عاش حياته كلها واشتغل وتعب عشان يحافظ عليك، لما تلاقي حد مصدر الأمان في الحياة خلاص مش بتبقى عايز حاجة تانية'.

وتابعت ليلى أحمد زاهر حديثها عن هشام جمال: 'أنا طول الوقت مطمنة هو مصدر أمان بالنسبة ليا وحاجة مهمة أوي، بحترم علاقتنا وبحبها وببقى عايزة دايما أحافظ عليها وهو كمان، وأهم حاجة الواحد يعرف إزاي يحافظ على العلاقة من دون تدخل أي حد في الحياة أيا كان هو مين، يعني لو في مشكلة بيني وبينه المشكلة دي هتخلص ما بينا مش هتخرج برا عننا'.

وأكملت ليلى أحمد زاهر: 'بحب في هشام أوي أن هو بيسمعني وبيسبني أتكلم، مش شرط طول الوقت نكون بنفكر بالمنطق، أنا دايما بقوله شكرا أنك بتسمعني، أنا وهشام أصحاب ونعرف بعض بقالنا كتير واشتغلنا مع بعض وعدينا بمواقف كتيرة، أنا أتعلمت منه كتير جدا إحنا كنا أصحاب الأول وبعدين حبينا بعض'.

واختتمت ليلى أحمد زاهر حديثها عن هشام جمال: 'من ساعة ما حبيت هشام جمال اتعلمت منه حاجات كتير جدا وغير في شخصيتي للأحسن ومخي نضج أكتر وبقيت بعرف أعبر أكتر عن مشاعري مع كل اللي حواليا ومعاه، الحب جميل'.

وكان هشام جمال وليلى أحمد زاهر احتفلا بقراءة الفاتحة في يناير 2024 في جو عائلي بسيط، وأعلنا أنهما سيقيمان حفل الخطبة في وقت لاحق.