تحدث النجم أحمد سعد، في تصريحات إعلامية، على هامش احتفالية ألبومه الغنائي الجديد 'حبيبنا'، عن فلسفته في الحياة وأسباب التوفيق الذي يحظى به، مؤكدًا أنه يعترف بأخطائه لكن صفاء قلبه هو سر نجاحه، كاشفًا عن موعد زفافه للمرة الثانية على علياء البسيوني.

قال سعد: 'بعمل حاجات غلط كتير.. بس ربنا بيكرمني عشان حاجة واحدة بس، وهي إني مش حقودي.. نفسي أعمل أحسن حاجات في الدنيا، بس مش نفسي أكون أحسن واحد'.

وعن موعد حفل زفافه المرتقب على خطيبته وزوجته السابقة علياء بسيوني، قال: 'إن شاء الله الفرح في شهر مايو، مش الأفراح اللي فيها حاجات غريبة، بالعكس عايز أعمل فرح زي الناس كلها اللي بتعمل أفراح'.

أضاف سعد: 'مش هنلبس شارلستون، بس في كل الأجواء اللي الناس بتحبها في الأفراح، وهنعزم ناس كتير جدًا'.

وردًا على سؤال هل سيقوم بالغناء في حفل الزفاف، قال أحمد سعد مازحاً: 'ممكن أشتغل وأبقى نمرة في الفرح، بس أحاسبها أو تدفع النص'.

يذكر أن أحمد سعد احتفل مساء الأربعاء الماضي بنجاح أحدث ألبوماته الغنائية 'حبيبنا'، وسط حضور كوكبة من النجوم والمشاهير، في أحد الفنادق الكبرى بمدينة 6 أكتوبر.

حضرت الاحتفالية علياء بسيوني، وعدد كبير من نجوم الفن والمشاهير، منهم: محسن جابر، صلاح الشرنوبي، مدين، تامر حسين، إيهاب عبد الواحد، محمد زيدان، إنجي كيوان، محمد محمود عبد العزيز، تامر عاشور، نادر حمدي، عزيز الشافعي، ممدوح موسى، محمد الشرنوبي، ويجز، ساندي، محمد سامي، هاني محروس، المنتج أحمد فهمي، أحمد بهاء، محمد عطية، وزاب ثروت وغيرهم.