كشف الفنان شادي شامل عن موقفه من التعاون مع المخرجة إيناس الدغيدي إذا عرضت عليه دور جرئ، كما عبر عن رأيه في تصريحاتها حول ترخيص بيوت الدعارة.

وقال شادي شامل خلال لقائه في برنامج 'أوضة ضلمة' عبر قناة 'هي' عن ترخيص بيوت الدعارة:'يمكن هي وجهة نظرها بدل ما الناس بتعمله في الخفى تعمله في العلن، لكن من وجهة نظري ينشر الفساد'.

وعن موقفه من التعاون معها قال: 'حسب الجرأة واصلة لفين، أصل في رقابة فأكيد الجرأة اللي هتقول عليها مسموح بها رقابيا'.

وخلال اللقاء كشف شادي شامل أيضا عن رأيه في تصريحات إيناس الدغيدي عن عدم وجود الجنة والنار قائلا: 'هو في ثواب وعقاب طبعا وفي جنة ونار أكيد، بيجيلي إحساس وربنا بيقول أنا عند حسن ظن عبدي بي، الجنة حق والنار حق بس بحس أن ساعة لو الواحد وربنا يعفو عنا لو بعد الشر هيخش النار عندي يقين أن ربنا برحمته مش بالأعمال هيسامح'.

وتابع شادي شامل: 'عذاب القبر أنك تشوف مقعدك من النار أو من الجنة، أنا مش مقتنع بفكرة الثعبان الأقرع، الروح بتنفصل عن الجسد وبتبقى في حياة البرزخ الجسد بيبقى خلاص لوحدة، أنا بفسر عذاب القبر أن لما تيجي تنام وتحلم بحلم وحش وتحس أن روحك متضايقة دا إحساسي أو أنك بتحلم بحلم حلو ومش عايز تفوق منه'.

وكانت إيناس الدغيدي تحدثت عن الجنة والنار قائلة: 'بيقولوا لنا في جنة ونار، أنا بقول ده تخويف بيرهبوك، لكن لا يمكن ربنا يكون قاسي كده، لما تسمع النار هيعملوا فيك إيه وإيه'.