كشف الفنان عمرو سعد عن عادة يحب القيام بها تقربه من الجمهور وتجعله لا يشعر بالغرور.

وحكى عمرو سعد خلال لقائه في برنامج 'أسرار النجوم' مع إنجي علي عبر إذاعة وقناة 'نجوم FM': 'لحد فترة قريبة كنت ممكن أنزل أقوم ناطط في ميكروباص أو أوتوبيس مهما كانت ردود الفعل عشان أخد طاقة، علشان أخلي رجلي على الأرض وبيدوني طاقة لأننا بنتعود على نعمة ربنا وممكن ننسى فبفكر نفسي'.

وتابع عمرو سعد: 'أروح أزور السيدة زينب بالرغم من أن الأمن بيحصل مشاكل بس بروح، وساعات بلبس كاب وأفضل ماشي في الشارع لفترات طويلة في أماكن فقيرة جدا من غير ما حد يحس اتفرج على المباني والحيطان هي دي مصر الحقيقية دا بيخليك تبقى على الأرض أكتر من السوشيال ميديا، السوشيال ميديا بتنقل اللي الناس عايزة تصدره'.

وخلال اللقاء شوق عمرو سعد جمهوره لأعماله الجديدة وقال: 'بعمل مع المخرج حسين المنباوي مسلسل كوميدي مفاجأة، على منصة إحنا صورنا 8 أيام ولسه هنرجع نكمل تصوير ودا كوميدي بس ومعايا كوكبة وهيكون محمد أنور مفاجأة في المسلسل دا وإعادة اكتشاف'.

وتابع عمرو سعد: 'وبستعد لفيلم كوميدي لايت إن شاء الله على شهر 6 نبدأ نصور'.

وكان آخر أعمال عمرو سعد مسلسل 'إفراج' الذي شارك في بطولته مع تارا عماد وحاتم صلاح وأحمد عبدالحميد ودنيا ماهر وعمر السعيد وسماء إبراهيم وعبدالعزيز مخيون وبسنت شوقي وصفوة وعلاء مرسي.