طمأن الفنان كريم فهمي جمهوره على صحته مؤكدا أن الأخبار التي انتشرت عن تعرضه لوعكة صحية غير صحيحة.

وكتب كريم فهمي عبر خاصية القصص القصيرة في حسابه على Instagram: 'الخبر المتداول عن حالتي الصحية غير صحيح تماما، والحمد لله أنا بخير وبصحة جيدة برجاء من الصفحات والمواقع اللي بتنشر أخبار عن أي شخص، سواء كانت أخبار صحية أو غيرها، تحرّي الدقة والتأكد من صحة المعلومات قبل نشرها' .

وتابع كريم فهمي: 'الخبر مش مجرد كلام بيتنشر لكنه ممكن يسبب قلق وضرر كبير للشخص ولأهله والناس اللي بتحبه'.

واختتم كريم فهمي رسالته: 'يا ريت نتحرى المصداقية، ونراجع مصادرنا قبل ما ننشر أي معلومة . شكرا لكل الناس اللى سألت واطمنت وربنا يديم الصحة على الجميع'.

على جانب آخر، كشف كريم فهمي أنه لا يتقاضى أجرا كبيرا يناسب نجوميته موضحا أنه لا يهتم لفكرة الأجور أو من الأعلى.

وقال كريم فهمي خلال لقائه في برنامج 'من وفينا' مع هبة حيدري عبر 'المشهد': 'مقدرش أقول أجري كام ولا أعرف أو بسأل أجور الفنانين إيه، أكيد الحمد لله عايشين حياة كويسة وربنا يزيدها نعمة، لكن معرفش مين الأعلى أجرا اللي أقدر أقوله لو أستاذ عادل إمام نزل يمثل في أي وقت هيبقى هو الأعلى، أنا مش بسأل بياخدوا كام أنا مالي هيفيدني في إيه؟'.

وتابع كريم فهمي: 'أنا باخد أقل من الأجر اللي المفروض أخده لأني عندي مشكلة لو عجبني مشروع ببقى عامل زي العيال الصغيرة عايز أمضي واشتغله، بحاول دلوقي اظبط الموضوع، أنا باخد أقل من غيري ومش لازم أكون أعلى واحد، بس بسعى إن أجري يعلى'.