توفي الفنان الشاب كريم عبد العليم في الساعات الأولى من صباح اليوم بعدما صدمته سيارة بالشيخ زايد.

وأعلن الخبر الفنان حسام داغر ونشر صوره مع الراحل وكتب عبر حسابه على Facebook: 'الله يرحمك يا كريم .. مش مصدق وأنا بكتب الكلام ده الممثل الشاب كريم عبد العليم كان طالب عندي في استوديو الممثل وخريج المعهد العالي للفنون للمسرحية في ذمة الله توفي من شوية عربية صدمته في الشيخ زايد وتوفي في المستشفى'.

وتابع حسام داغر: 'ده لسه فرحك كان في شهر يناير يا حبيبي يا شقيان يا ممثل يا عظيم وشاطر من أول ما عرفتك في مسلسل 'حضرة العمدة' وشفت موهبتك وعلقت على جمالها وشطارتك وعرفت أنك من المتفوقين كمان في المعهد وأنك خدت جوايز كتير من أول فيلمك القصير بوتيتو potato اللي لف الدنيا وجيت وعرفتك أكتر كطالب عندي وشفت حجم موهبتك الكبيرة'.

واختتم حسام داغر كلامه: 'ليه يا ربي وجع القلب ده ميغلاش على اللي خلقه ده كان بيضطر يجري ورا حلمه ويشتغل حاجات تانية علشان يقدر يتجوز ويفتح بيته لا حول ولا قوة إلا بالله لسه راجع من المستشفى ربنا يصبرني يا رب ويصبر أهلك وزوجتك ويرحمك يا حبيبي يا كريم يا عريس الجنة'.

ولد كريم عبد العليم في مايو 1997 بمحافظة الغربية وبدأ التمثيل من مسرح جامعة طنطا، ثم التحق بالمعهد العالي للفنون المسرحية، شارك بالتمثيل في عدد من الأعمال الفنية، قدم دور 'أمين عطا الله' في مسلسل 'الضاحك الباكي' عام 2022، كما شارك في مسلسلات 'إلا أنا' الجزء الثاني' و'الحرير المخملي' و'حضرة العمدة'.