تحدث الفنان رياض الخولي في الجزء الثاني من حلقته في برنامج 'كلام الناس' عن الفنان محمد رمضان ووصفه بالفنان الموهوب لكنه يختلف معه في فكرة استعراض سياراته.

وقال رياض الخولي: 'اشتغلت مع محمد رمضان في مسلسل 'موسى' وهو موهوب بلا شك بس الحاجات المرتبطة بالغناء أنا مقدرش أقيمه، هو محتاج يعمل شوية توازنات أنت عايز تتحاسب على إيه أنت بقيت نجم وحققت نجاح على كل المستويات آن الأوان أن أنت تتحط على التراك الصح'.

وتابع رياض الخولي: 'أي فنان حقيقي لابد أن يكون مهموما بقضية ما، مهموم بالناس، الناس اللي عندهم رؤية وهموم هتلاقي أعمالهم خالدة وعملوا ذاكرة الأمة أما الهلث بيمر مرور الكرام، إحنا لسه بنتفرج على 'ليالي الحلمية' و'رأفت الهجان' لكن دلوقتي، اهتموا بعقول ووجدان الناس لكن هنستخف بعقليته لأ'.

وأوضح رياض الخولي أن استعراض محمد رمضان لسياراته لا يتناسب مع المجتمع المصري قائلا: 'استعراض محمد رمضان لأسطول عربياته مش لطيف ربنا يديك ويزيدك لكن أنت بتعمل استفزاز للناس، إحنا في مجتمع نسبة الفقر فيه والبسطاء عالية دا بيعمل نوع من الاستفزاز، 'أما بنعمة ربك فحدث' خليها في حدود المعقول، إحنا مش في مجتمع أوروبي اللي ممكن يكون مش فارق معاه إحنا في مجتمع مصري له عادات وتقاليد، ورجال الأعمال العظام مش ممكن تشوفهم في الساحل الشمالي الناس دي ربنا إداها بس هما شايفين البسطاء وبينجزوا عملهم'.

يشار إلى أن رياض الخولي شارك في موسم رمضان 2026 بمسلسلي 'درش' و'مناعة'.

مسلسل 'درش' بطولة مصطفى شعبان وسهر الصايغ ورياض الخولي ونضال الشافعي ومحمد علي رزق وهاجر الشرنوبي وغادة طلعت وجيهان خليل تأليف محمود حجاج وإخراج أحمد خالد أمين.

أما مسلسل 'مناعة' بطولة هند صبري، أحمد صلاح حسني، أحمد خالد صالح، مها نصار، محمد علي رزق،ورياض الخولي، فكرة عباس أبو الحسن، وتأليف عمرو الدالي، وإخراج حسين المنباوي.