أكد الفنان باسم سمرة أنه عندما يتحدث عن فنان أو يقول رأيه أو يوجه نصحية له هو يقولها كصديق ولا يقصد الإساءة.

وقال باسم سمرة خلال لقاء مع ET بالعربي: 'أنا مش بغلط في حد أنا بحب الناس جدا وساعات بحاول أقول رأيي كصديق بقولها بحب مش بحاول أجرح حد هما كلهم أصحابي'.

وكان باسم سمرة ظهر في برنامج 'صاحبة السعادة' وقال رأيه في بعض النجوم ووجه بعض النصائح لهم منهم أحمد مالك وقال عنه 'لازم يتواضع ويركز ويبقى ألذ أكتر' ، فيما قال عن طه دسوقي وعصام عمر: ' طه دسوقي جميل وطيب بس هو وعصام عمر مش عايزين يتكلموا مع الناس مش عايزين يغلطوا وميروحوش برامج كتير خايفين يغلطوا، هما شطار يركزوا وأتمنى ليهم التوفيق'.

على جانب آخر، رد باسم سمرة على الأخبار التي تتحدث عن مشاركته الفنان محمد رمضان في مسلسله لرمضان 2027.

وقال باسم سمرة خلال لقاء مع ET بالعربي: 'لسه رمضان بدري عليه أنا بحب محمد رمضان ولو في فرصة أكون في مسلسله كل مصر هتعرف بس لسه بدري'.

يذكر أن باسم سمرة شارك في موسم رمضان 2026 بمسلسل 'عين سحرية' وتكون من 15 حلقة وعرض في النصف الأول من الشهر الكريم.

مسلسل 'عين سحرية' بطولة عصام عمر، وباسم سمرة، وفيدرا، وعمرو عبدالجليل، وسما إبراهيم، وجنا الأشقر، وفاتن سعيد، تأليف هشام هلال، وإخراج السدير مسعود.