كشف المخرج خالد يوسف عن رأيه في بعض النجوم ووجه لهم نصائح.

وخلال لقائه في برنامج 'بدون مونتاج' وجه خالد يوسف نصيحة للفنان أحمد العوضي وقال: 'أحمد العوضي ممثل مجتهد جدا ومركز 24 ساعة في شغله والعمل اللي بيقدمه، نصيحتي ليه أن تكرار الاستايل الواحد نفس مواصفات الشخصية الواد 'الجدع الشهم' لازم يخرج منها بأي شكل لأن تكرارها هيحصل تشبع عند الجمهور، غير كده هو ممثل كويس ومجتهد ممكن يبقى حاجة كبيرة لو خرج من النمط اللي بيقدمه'.

وتابع خالد يوسف ليكشف عن رأيه في الفنان محمد رمضان: 'محمد رمضان موهبة كبيرة حقيقية أنا عملت له اختبار في فيلم 'حين ميسرة' كان هيعمل دور ابن عمرو سعد هو كان ساعتها عنده 18 سنة وأنا كنت عايز ولد أصغر، لو لقيت حاجة تليق بيه ويعملها معايا هبقى سعيد جدا أنا بحبه'.

ومن وجهة نظر خالد يوسف يرى أن الفنان نجيب الريحاني هو أهم ممثل في تاريخ السينما العربية: 'أهم ممثل في تاريخ السينما العربية هو نجيب الريحاني، دا كلام علمي مش عشان بيعجبني كممثل، التمثيل قبله حاجة والتمثيل بعده حاجة'.

يذكر أن آخر أعمال خالد يوسف كان فيلم 'الإسكندراني'، المستوحى من رواية تحمل الاسم نفسه للكاتب الراحل أسامة أنور عكاشة، ويضم فريقا مميزا من النجوم وهم أحمد العوضي، زينة، عصام السقا، بيومي فؤاد، حسين فهمي، صلاح عبد الله، محمود حافظ، محمد رضوان، ورحاب الجمل.

وتليفزيونيا كان آخر أعماله 'سره الباتع' وعرض في رمضان 2023.

ومسلسل 'سره الباتع' بطولة أحمد السعدني، خالد الصاوي، حسين فهمي، هالة صدقي، أحمد عبد العزيز، أحمد فهمي، ريم مصطفى، هدى المفتي، حنان مطاوع، شريف حافظ، أشرف زكي، شريف الدسوقي، كريم فهمي، بيومي فؤاد، عمرو عبد الجليل، صلاح عبد الله، محمود قابيل، ميدو عادل، خالد أنور، خالد سرحان، منة فضالي، نجلاء بدر، أحمد وفيق، وهو مأخوذ عن قصة قصيرة للأديب الراحل يوسف إدريس، تأليف وإخراج خالد يوسف.