الزغاريد من أجمل التقاليد العربية في الأعراس التي لازالت مستمرة حتى يومنا هذا. وتحفظها النساء وتتداولها جيلاً بعد جيل ولقد انتقينا لكم بعض ما تداولته النساء.

هناك عدة أسماء تُطلق على الزغرودة مثل الهلهولة أو الزغروطة، أو الزغروتة، أو الزلغوطة، وفي الخليج العربي تُعرف باسم الفطرفة، وتصدر الزغرودة بتحريك جانبي اللسان في الفم بحيث يكون هذا التحريك متواصلاً، ويصدر الصوت مع إخراج الهواء من الحلق، ومن أبرز المناسبات التي تزغرد فيها النساء هي زغاريد الختان وزغاريد الأفراح والأعراس وزغاريد الحج وزغاريد المولد النبوي وغيرها، وسنتعرف في هذا المقال على زغاريد للعروس. وقد يهمكِ الإطلاع على أجمل عبارات تهنئة للعروس بالاسماء.

الزغاريد الفلسطينية للعروس

من أجمل الزغاريد للعروس الفلسطينية ما يلي:

أويها يا هالعروس شوفي القمر انخجل منك

أويها والورد فتح بخدك وعاثمك

أويها والشمس أخذت نورها منك

أويها أبوك بيفرح والهنا لإمك

لولو لولو ليش

أويها قامت النخله ترقص قامت النخله تميل

أويها رشوا على النخله شميلات الحرير

أويها واسألو النخله منو عزها

أويها عزها أبوها يا ريت عمره طويل

لولولوليش

أويها يا عروس قتلني سود عينيكي

أويها تلملم الحُسُن بالمركب وإجا ليكي

أويها إجو بنات البلد يتفرجو عليكي

أويها لا هن مثلك. ولا يتشبهن ليكي

أويها يا طولك طول القنا والخصر مايل ميل

أويها والخصر من رقته هد القوى والحيل

أويها يا نايمين الضحى يا ساهرين الليل

أويها ردو عليي حبيبي عظهور الخيل

أويها عيونك السود لو كحلتهن راقو

أويها وشفافك الحمر مثل الخوخ بعناقو

أويها اجو صحاب العريس لزيارته مره

أويها راحو سكارى ولحد اليوم ما فاقو

أويها اسم الله عليكي ياعروس يا كحيله العين

أويها خصرك رقيق وزنارك حرير شكلين

أويها يا قاطف الكرم جبلي معك عنقود

ويا ناس صلوا عالنبي قبل تصيبها العين

هااااااهي يا وجه القمر

هاااااهي والغايب من أهلك حضر

هااااهي وماغايب إلا الشيطان

هااااهي وماحضر إلا الوزر

هاااااهي ياصحن تين

هاااااااهي المعبيه بالياسمين

هاهي يا (اسم العريس) يا عريسنا الصغير

قومي معي يا نعنعا

ويلي بالذهب مقمعما

ويخليلك أبوكي واخوانك

وتظلي بحياتو مدلعة

أويها يا قاعدة عالمراتب قعدة البنا

أويها والكحل بعيونك زقفتلوا غنا

أويها حطي القدم عالقدم ما سمعتلوا رنّا

أويها يجعل البطن يللي حملك مسكنوا الجنة

زغاريد سورية للعروس

وفي صدد الحديث عن زغاريد للعروس الفلسطينية والسورية، إليك أجمل الزغاريد السورية:

أﻭﻫﺎ ﻳﺎ ﻋﺮﻳﺲ ﻻ ﺗﻌﺒﺲ

أﻭﻫﺎ ﻓﺮﻳﺪ ﺍﻟﺒﻘﺠﺔ ﻭﺍﻟﺒﺲ

أﻭﻫﺎ ﺷﻮﺭﺍﺑﻚ ﻋﺮﻭﻕ ﺍﻟﺮﻳﺤﺎﻥ

أﻭﻫﺎ ﻭﺳﻮﺍﻟﻔﻬﺎ ﻋﺮﻭﻕ ﺍﻟﻨﺮﺟﺲ

ﻟﻲ ﻟﻲ ﻟﻲ ﻟﻴﺶ

أﻭﻫﺎ ﺑﺒﻴﺘﻨﺎ رمانة

أﻭﻫﺎ ﺣﺎﻣﻀﺔ ﻭﻟﻔﺎﻧﺔ

أﻭﻫﺎ ﺣﻠﻔﻨﺎ ﻣﺎ ﻣﻨﻘﻄﻌﻬﺎ

أﻭﻫﺎ ﻟﻴﺪﺧﻞ ﻋﺮﻳﺴﻨﺎ ﺑﺎﻟﺴﻼﻣﺔ

أﻭﻫﺎ ﻋﺮﻳﺴﻨﺎ ﻳﺎ ﻭﺍﺣﺪ

أﻭﻫﺎ ﻋﺮﻭﺳﻴﻨﺎ ﻳﺎ ﺗﻨﻴﻦ

أﻭﻫﺎ ﻭﺍﻟﻠﻲ ﻣﺎ ﺑﻴﺼﻠﻲ ﻋﺎﻟﻨﺒﻲ

أﻭﻫﺎ ﻳﻌﺪﻡ ﺍﻟﻌﻴﻨﺘﻴﻦ

أﻭﻫﺎ ﻋﺎﻟﻠﻌﻠﻲ ﻋﺎﻟﻠﻌﻠﻌﻲ

أﻭﻫﺎ ﻳﺎ ﺻﺒﺎﻳﺎ ﺗﺠﻤﻌﻲ

أﻭﻫﺎ ﻳﺎ ﻟﻴﻞ ﻃﻮﻝ ﻃﻮﻝ

أﻭﻫﺎ ﻭﻳﺎ ﺷﻤﺲ ﻻ ﺗﻄﻠﻌﻲ

ﻟﻲ ﻟﻲ ﻟﻴﺶ

أﻭﻫﺎ ﺣﺼﻨﺘﻚ ﺑﻴﺎﺳﻴﻦ

أﻭﻫﺎ ﻭﻳﺎﺯﻫﺮ ﺍﻟﺒﺴﺎﺗﻴﻦ

أﻭﻫﺎ ﻳﺎ ﻣﺼﺤﻒ ﺻﻐﻴﺮ

أﻭﻫﺎ ﻋﻠﻰ ﺭﻭﺱ ﺍﻟﺴﻼﻃﻴﻦ

أﻭﻫﺎ ﺷﻮ ﻫﺎﻟﻨﻬﺎﺭ ﺍﻟﻼﻳﻖ

أﻭﻫﺎ ﻭﻓﺮﺣﺘﻠﻨﺎ ﺍﻟﺨﻼﻳﻖ

أﻭﻫﺎ ﻭﻃﻘﺖ ﻗﻠﻮﺏ ﺍأﻋﺎﺩﻱ

أﻭﻫﺎ ﻭﻟﻤﻦ ﺣﻘﺖ ﺍﻟﺤﻘﺎﻳﻖ

أﻭﻫﺎ ﺟﺒﻴﻨﻚ ﺑﻴﻠﻤﻊ

أﻭﻫﺎ ﺍﺩﺍﻧﻚ ﺑﺘﻤﺴﻊ

أﻭﻫﺎ ﻣﺎ ﻣﻨﻄﻠﻊ ﻣﻦ ﻫﻮﻥ

أﻭﻫﺎ ﻟﺘﻄﻌﻤﻴﻨﺎ ﻣﺎ ﻫﺎﻟﻤﺠﻤﻊ

أﻭﻫﺎ ﺭﻓﺎﻉ ﺭﺍﺳﻚ ﻭﺍﻗﺸﻌﻬﺎ

أﻭﻫﺎ ﻗﺒﻞ ﻣﺎ ﺗﻔﺮﺩ ﻣﺠﻤﻌﻬﺎ

أﻭﻫﺎ ﻭﺍﻥ ﻛﺎﻥ ﻟﻚ ﺻﺎﺣﺒﺔ ﺍﻫﺠﺮﺍ

أﻭﻫﺎ ﻭﺑﺎﺏ ﺍﻟﻘﻬﻮﺓ ﻻ ﺗﻌﺒﺮﺍ

أﻭﻫﺎ ﻃﻮﻟﻚ ﻃﻮﻝ ﺍﻟﻌﻠﻢ

ﺃﻭﻫﺎ ﻭ ﺣﻮﺍﺟﺒﻚ ﺧﻂ ﺍﻟﻘﻠﻢ

ﺃﻭﻫﺎ ﻛﻨﻚ ﺷﺮﻳﻒ ﻣﻜﺔ

ﺃﻭﻫﺎ ﺗﺘﻔﺘﻠﻲ ﺣﻮﺍﻟﻲ ﺍﻟﺤﺮﻡ

ﻟﻲ ﻟﻲ ﻟﻲ ﻟﻴﺶ

ﺃﻭﻫﺎ ﺻﻠﻮﺍ ﻋﻠﻰ ﺍﻟﻨﺒﻲ

ﺃﻭﻫﺎ ﻭ ﺯﻳﺪﻭﺍ ﺑﺼﻼﺗﻪ

ﺃﻭﻫﺎ ﻭ ﻳﻠﻲ ﺑﻴﺼﻠﻲ ﻋﻠﻰ ﺍﻟﻨﺒﻲ

ﺃﻭﻫﺎ ﻳﻄﻌﻤﻪ ﺯﻳﺎﺭﺗﻪ

ﻟﻲ ﻟﻲ لي ليش

أﻭﻫﺎ ﻳﺎﻣﺎ ﺩﺑﻜﻮ ﺑﺮﺟﻠﻴﻬﻦ

أﻭﻫﺎ ﻳﺎﻣﺎ ﺗﻐﺎﻣﺰﻭﺍ ﺑﻌﻴﻨﻴﻬﻦ

أﻭﻫﺎ ﻭﻗﺎﻟﻮ ﻓﻼﻧﺔ ﻣﺎ ﺑﺘﺤﺒﻞ

أﻭﻫﺎ ﺣﺒﻠﺖ ﻭﻗﻠﻌﺖ ﻋﻴﻨﻴﻬﻦ

أﻭﻫﺎ ﻳﺎﻣﺎ ﻗﻌﺪﻭ ﺟﻨﺒﻲ

أﻭﻫﺎ ﻭﻳﺎﻣﺎ ﺣﺮﻗﻮ ﻗﻠﺒﻲ

أﻭﻫﺎ ﻗﺎﻟﻮ ﻓﻼﻧﺔ ﻣﺎ ﺑﺘﺤﺒﻞ

أﻭﻫﺎ ﺣﺒﻠﺖ ﻭﻧﺼﺮﻧﻲ ﺭﺑﻲ

أﻭﻫﺎ ﺻﻠﻮﺍ ﻋﻠﻰ ﻣﺤﻤﺪ ﻭﻭﻗﺘﻮ ﻭﺳﺎﻋﺘﻮ

ﻭﺍﻟﻠﻲ ﻣﺎ ﺑﻴﺼﻠﻲ ﻋﻠﻰ ﻣﺤﻤﺪ ﺗﻄﻖ ﻣﺮﺍﺭﺗﻮ

أوﻫﺎ ﻳﺎ ﺻﺤﻦ ﺗﻴﻦ

ﺃﻭﻫﺎ ﻣﺠﻠﻞ ﺑﺎﻟﻴﺎﺳﻤﻴﻦ

ﺃﻭﻫﺎ ﻭﻋﺮﻭﺳﺘﻨﺎ ﺣﻠﻮﺓ

ﺃﻭها ﻭﻣﺎ ﻃﺒﻘﺖ ﺍﻟﻌﺸﺮﻳﻦ

ﺃﻭﻫﺎ ﻳﺎ ﺻﺤﻦ ﻓﺘﻮﺵ

ﺃﻭﻫﺎ ﻭﺍﻟﺼﺤﻦ ﻣﻨﻘﻮﺵ

ﺃﻭﻫﺎ ﻭﺍﻟﻠﻲ ﻣﺎ ﺑﻴﺤﺐ ﺍﻟﻌﺮﺳﺎﻥ

ﺃﻭﻫﺎ ﻳﺼﻴﺮ ﻣﺘﻞ ﻳﺎﺳﻴﻦ ﺑﻘﻮﺵ

ﺃﻭﻫﺎ إﺻﺒﻌﺘﻲ ﻣﺪﻭﺣﺴﺔ

ﺃﻭﻫﺎ ﻭﺍﻟﺘﺎﻧﻴﺔ ﻣﺒﻘﺒﻘﺔ

ﺃﻭﻫﺎ ﻭأﻧﺎ ﺑﻨﺖ ﺧﺎﻟﺔ ﺍﻟﻌﺮﻭﺱ

ﺃﻭﻫﺎ ﻭﻻ ﺗﻘﻮﻟﻮ ﻋﻨﻲ ﻣﻸﻷﺓ

ﺃﻭﻫﺎ ﻓﺰﺕ ﺍﻟﻌﺮﻭﺱ ﻋﻠﻰ ﺣﻴﻠﻬﺎ

ﺃﻭﻫﺎ ﻭﻫﺮ ﺍﻟﻠﻮﻟﻮ ﻣﻦ ﺩﻳﻠﻬﺎ

ﺃﻭﻫﺎ ﻭﻣﺎ ﺗﻘﻮﻟﻮ ﻋﺮﻭﺳﺘﻨﺎ ﻭﺣﻴﺪﺓ

ﺃﻭﻫﺎ ﻓﻲ ﺗﻨﺘﻴﻦ ﻏﻴﺮﻫﺎ

أﻭﻫﺎ ﺍﻡ ﺍﻟﻌﺮﻳﺲ ﺍﻟﻠﻪ ﻳﻌﻄﻴﻜﻲ

أﻭﻫﺎ ﻭﺍﻟﺴﻌﺎﺩﺓ ﺑﺘﻮﺍﺗﻴﻜﻲ

أﻭﻫﺎ ﻭﻋﻘﺒﺎﻝ ﻓﺮﺣﺘﻚ ﺑﺎﻟﻜﻤﺎﻟﺔ

أﻭﻫﺎ ﻭﻣﻨﺠﻲ ﻣﻨﻜﺎﻓﻴﻜﻲ

ﺃﻭﻫﺎ ﻭﻃﺒﺨﻨﺎ ﻣﺤﺸﻲ

أﻭﻫﺎ ﻋﻠﻰ ﺍﻟﺒﻼﻁ ﺑﻴﻤﺸﻲ

أﻭﻫﺎ ﻭﻟﺤﻨﺎ ﺻﺒﺎﻳﺎ سوريا

أﻭﻫﺎ ﻭﺍﻟﻠﻪ ﻳﺒﻠﺒﻘﻠﻨﺎ ﻛﻠﺸﻲ

أﻭﻫﺎ ﺯﺭﻋﻨﺎ ﻛﻤﺎﻳﺔ

أﻭﻫﺎ ﻃﻠﻌﺖ ﺑﻄﺎﻃﺎ

أﻭﻫﺎ ﻧﻴﺎﻟﻚ ﻳﺎ ﻋﺮﻭﺳﺘﻨﺎ

أﻭﻫﺎ ﻋﻠﻰ ﻫﺎﻟﺤﻤﺎﻳﺔ

ﻟﻲ ﻟﻲ ﻟﻲ ﻟﻲ ﻟﻴﺶ

أﻭﻫﺎ ﻃﺒﺨﻨﺎ ﺑﺎﻣﺔ

أﻭﻫﺎ ﻭﻛﺘﺮﻧﺎﻻ ﺍﺩﺍﻣﺔ

أﻭﻫﺎ ﻳﻠﻲ ﻣﺎ ﺑﻴﺘﺠﻮﺯ ﻣﻦ ﺑﻴﺖ….

أﻭﻫﺎ ﺑﻌﺾ ﺍﻳﺪﻳﻪ ﻧﺪﺍﻣﺔ

أﻭﻫﺎ ﻳﺎ ﺻﺤﻦ ﺍﻟﻤﺎﺱ

أﻭﻫﺎ ﻭﻣﻠﺒﺲ ﺑﺎﻻﻟﻤﺎﺱ

أﻭﻫﺎ ﻭﻳﻠﻲ ﺑﻴﺎﺧﺪ ﻣﻦ ﺑﻴﺖ ……..

أﻭﻫﺎ ﺑﻌﻴﺶ ﻣﺮﻓﻮﻉ ﺍﻟﺮﺍﺱ

أوها ﻭﺑﺘﻤﻨﻰ ﺷﻮﻑ ﺭﺩﻭﺩﻛﻦ

أوﻬﺎ ﻭﺗﻘﻴﻤﻮﻧﻲ

أوﻬﺎ ﻭﻋﻘﺒﺎﻝ ﺍﻟﻌﺰﺍﺑﻴﺔ

ﻟﻲ ﻟﻲ ﻟﻲ ﻟﻲ ﻟﻲ ﻟﻲ ﻟﻴﺶ

وفي الختام، قد يهمكِ الإطلاع على مباركة للعرسان: أجمل التهاني والكلمات المؤثرة.