تصدر اسم الدكتور ضياء العوضي التريند بعد وفاته وعاد جدل النظام الغذائي الذي أعلن عنه من قبل نظام 'الطيبات'، خاصة مع ظهور اسم الفنانة دينا واتباعها لهذا النظام.

وكانت دينا كشفت من قبل عن اتباعها لنظام دكتور ضياء العوضي، وظهرت معه في بث مباشر عبر صفحته على Facebook في يناير 2025.

وقالت دينا: 'من سنة كنت بعاني من كذا حاجة منها القولون وكان بيطلعي حبوب في وشي وإحمرار ومقدرش أقعد في الشمس وكان عندي مشكلة في ركبتي اليمين ورحت لدكتور وقالي هتدخلي في خشونة ونعمل علاج طبيعي وأنا بخاف من الحاجات دي لأني راقصة وركبتي دي أساس، مشيت على النظام لما وقفت الدقيق حسيت إني لما بقيت أصحى من النوم مش بقول أه يا ضهري ولا يا رجلي كل دا اختفى وكملت مع النظام'.

وتابعت: 'كل ما حد يشوفني يقولي انتي بتعملي فيلر فين؟ أقولهم عمري ما عملت فيلر، الوش بيتنحت أنا مش باكل لا بيتزا ولا عجينة، النظام فرق دا معايا في شد الجسم بيشوفوني يقولوا خسيتي لكن على الميزان أنا مش فارقة أنا جسمي اتشد'.

وأكملت: 'النظام فرق معايا في عدد ساعات نومي بقيت بنام ساعات نومي كاملة الـ8 ساعات، الفتنس 'Fitness' أعلى لو عندي تدريب 5 ساعات ورا بعض مش بتعب، باكل مرة واحدة في اليوم'.

وتابعت متحدثه عما اكتشفته بعد النظام: 'كنت بعاني من تساقط الشعر لكن وقف الحمد لله ونفسيتي حلوة مع أن في حياتي حاجات تكسر النفسية لكن النظام جميل بيشيل الاكتئاب تجيلك البلوة كبيرة وتضحك'.

وأوضحت دينا أنها شعرت بتحسن كبير في وقت قصر قائلة: 'النتيجة ظهرت في خلال 3 أسابيع مكنتش بحس بأي آلام في جسمي أما القولون أخد 3 شهور'.

ورحل ضياء العوضي عن عالمنا قبل أيام خلال تواجده في دبيو أكدت القنصلية المصرية هناك أن الوفاة كانت طبيعية.