كشف الفنان الكبير أحمد ماهر عن أنه لا يحب مشاركة الآخرين في أكله.

وقال أحمد ماهر خلال استضافته في برنامج 'كلام الناس'، الذي تقدمه الإعلامية ياسمين عز عبر قناة MBC مصر: 'دي حقيقة معرفش ليه، ورحمة الله عليها الوالدة تحكيلي إن من نعومة الأظافر وأنا كده'.

وأضاف أحمد ماهر: 'دي طبيعتي من زمان، أنا ممكن أعزم لكن مش من أكلي، وأنا برج الأسد، وكما لو إني بيحصل حالة من حالات الخلوة مع الأكل والأكل حالة، ممكن أطلب للناس لكن طبقي كما لو إن ربنا باعتهولي محدش يزاحمني فيه'.

وروى أحمد ماهر أن النجم عادل إمام سمع بهذا الأمر أثناء التصوير معه في الجبل مضيفا: 'أستاذ عادل استأخر العربية اللي جايبة له المية الساقعة والوجبات بتاعته، وسأل مين اللي واقف في وسط الجبل، قالوا له ده أحمد ماهر وبياكل، وهو بيحب لما ياكل مايبقاش حد جنبه'.

وتابع: 'جالي عادل إمام وقال لي يا حمام بتاكل كريز في الجحيم ده؟ ما شاء الله كريز في الجبل، ده مايبوظش؟ قلت له لأ لإني جايب كولمان فيه تلج، فقال لي مفيش اتفضل قطف حتى؟ قله له من أكلي ورسول الله ولا حباية'.

ياسمين عز: ليه حصل خلاف بينك وبين الزعيم عادل إمام في شمس الزناتي؟ .. أحمد ماهر يفجر مفاجأة: كان عاوز ياكل من أكلي قلتله مستحيل (اعرف التفاصيل)

يذكر أن أحمد ماهر عرض له في موسم رمضان 2024 مسلسل 'صيد العقارب' بطولة غادة عبد الرازق، رياض الخولي، سيمون، محمد علاء، أحمد ماهر، مجدى بدر، سامية عاطف، ميار الغيطي، عماد صفوت، أحمد ماجد، أحمد جمال سعيد، منال سلامة والمسلسل من تأليف باهر دويدار، وإخراج أحمد حسن، وإنتاج شركة 'فينومينا' للإنتاج الفني.