كشف مغني المهرجانات حمو بيكا عن تحضيره لألبوم جديد يستعد لطرحه قريبا.

وقال حمو بيكا خلال مداخلة هاتفية مع برنامج '90 دقيقة' مع بسمة وهبة: 'بحضر لألبوم هيكون شديد فيه 41 أغنية الموسم دا بتاعي، وأهم أغنية فيهم اسمها 'شكل جديد''.

وأوضح حمو بيكا أنه يطرح عددا كبيرا من الأغاني ولا يهتم كم عدد الأغنيات التي ستنجح قد يطرح 40 أغنية ينجح منها 5 فقط وهو راضي بذلك.

كما كشف حمو بيكا أنه بدأ التحضير لبرنامج جديد قائلا: 'أنا عامل برنامج جديد اسمه 'بيكا حول العالم' هسافر كذا بلد وأزور أشهر الأماكن فيها'.

وردا على سؤال إن كان استمع لألبوم الفنان عمرو دياب الجديد قال حمو بيكا: 'والله أنا مش بتابع الحاجات دي، 'الهضبة' على دماغي بس أنا الأغاني بتاعتي مش بتابعها ودا مش غرور أنا مركز في الألبوم اللي بشتغل عليه مش فاضي عشان بصور حاجات فمتابعتش أي حاجة، تامر حسني أغانيه حلوة ومصطفى حدوتة كاتب كام أغنية لعمرو دياب حلوة'.

وعن فكرة استثمار أمواله قال حمو بيكا: 'أنا مش حابب استثمر فلوسي في عقارات بحب استثمر في عربيات النقل التقيلة اللي بتشتغل في الميناء والمحاجر عشان كنت بشتغل 'تباع' عليها زمان'.

وكشف حمو بيكا سر خسارته للوزن وقال: 'خسيت 40 كيلو في شهرين عملت ريجيم وأخدت حقن'.