كشفت النجمة فيفي عبده تطورات حالتها الصحية، عقب كسر الساق الذي تعرضه له في الفترة الماضية.

وقالت فيفي عبده في مداخلة هاتفية مع برنامج 'تفاصيل'، الذي تقدمه الإعلامية نهال طايل عبر قناة 'صدى البلد 2': 'قالولوي لازم تعملي عملية أركب مسامير وشريحة وطبعا رفضت الكلام ده خالص وهخلي تكالي على الله. عملت الجبس والكسر لحم شوية ورجعت اتنكست وبعدين لحم شوية. إن شاء الله يلحم الكسر وأبقى كويسة'.

وروت فيفي عبد كواليس الإصابة قائلة: 'الساعة 7 الصبح البيت غرق مية وقمت من السرير فجأة، لقيت نفسي نازلة مكسورة، من السرير على الأرض للمستشفى '.

وردا على سؤال هل تعتقد في تعرضها للحسد، قالت فيفي عبده: 'أنا محسودة أوي بس لما بقول كده الناس بيقولوا فيفي بتأفور. الناس مش بتسيب حد في حاله، نفسي الفنان يعرفوه من جواه، بيبتسم قدام الناس وهو من جوا بيتقطع. ولما بيموت الفنان بنعرف الحقايق اللي داخل الفنان، والسبب إن اللي بيناقش الفنان عايز منه فضايح وخلاص'.

تحدث فيفي عبده عن سر ترديد الجمهور جملها الشهيرة مثل 'خمسة مواه' قائلة: 'علشان طالعة من قلبي صادقة بتوصل للناس بصدق وبيرددوها'.

وفي النهاية حرصت فيفي عبده على توجيه رسالة لجمهورها قالت فيها: 'بطمن الناس عليا، كل الناس اللي أخرت شغلهم هنزل أعمله إن شاء الله، وبشكر الدكاترة وزمايلي وكل الناس اللي سألوا عليا وكل جمهوري اللي بيحبوني وبحبهم'.

يذكر أن آخر أعمال فيفي عبده كانت مسلسل 'شغل في العالي' الذي شاركت في بطولته إلى جانب شيرين رضا، محمد رضوان، توني ماهر، بسمة داود وآخرين، ومن تأليف حسين مصطفى محرم وإخراج مرقس عادل.