مي عمر

كشفت الفنانة مي عمر عن كواليس من حياتها الشخصية والأمور التي تتضايق منها عند نشر صور جديدة لها، إضافة إلى حديثها عن حرصها على تعديل أي معلومات مغلوطة عن حياتها العملية، كاشفة عن علاقتها بزوجها المخرج محمد سامي.

وقالت مي في تصريحات إذاعية إنها لا تحب أن يتدخل الناس في حياتها الشخصية، وتحرص على الخصوصية بشكل كبير.

وتحدثت مي عن الأمر الذي يضايقها عند نشر صور لها قائلة: 'بستخدم فلاتر بس بتكون طبيعية مش مبالغ فيها.. وبتضايق لما بلاقي الصورة بعيد عني مش شبهي.. وفي صور بحطها من غير فلتر لو متصورة بجودة عالية'.

وأشارت إلى أنها تحرص على تعديل المعلومات المغلوطة عن حياتها العملية، أما فيما يخص الانطباعات عنها أوضحت: 'في حاجات مش بهتم أوي بالصح والناس هيعرفوا مع الوقت.. مش كل الناس بتشوف الوش الحقيقي بتاعك لازم يقرب.. كل واحد بياخد الفكرة اللي في دماغه'.

وأكدت مي عمر أنها لا تحكم على الأشخاص من الخارج، وتعودت منذ صغرها ألا تحكم بالظاهر، موضحة: 'عشان أحكم على حد لازم أقرب منه وأعرفه'.

وتحدثت مي عمر عن المقربين لها قائلة إن معارفها مستمرون معها منذ سنوات إلى جانب عائلتها المقربة منها، موضحة: 'في ناس بنكتشف حقيقتهم مع المواقف وبيفضل كويس طول ما هو عاوز مصلحة؟.. المواقف الجامدة بتبين الناس على حقيقتها وهنا بتقدري تفلتري الناس ولا لا... اللي بيبقى مش كويس معاكي مرة بيغلط فيكي تاني وتالت ورابع لو سامحتي'.

ووصفت مي عمر زوجها المخرج محمد سامي بأنه: 'أهم حاجة في حياتي بآخد رأيه في كل حاجة وبيدعمني'، مشيرة إلى أنها شخصية قاسية مع نفسها وتنتقد نفسها بشكل كبير'.

وقالت مي عمر إنها واحدة من أربع شقيقات، يعيش معظمهن خارج مصر، وأنها تفتقد شعور قربهن وتواجدهن معها طوال الوقت.