رد الفنان عصام عمر على التصريحات التي قالها الفنان باسم سمرة عنه وأنه يرفض الظهور في البرامج التليفزيونية.

وقال عصام عمر خلال لقاء مع ET بالعربي: ' طالما أستاذ باسم قال حاجة يبقى أكيد فيها مغزى، أنا طول الوقت بحس إني مش عايز أطلع كل شوية عايز أطلع لما أكون عامل شغل جديد وكذا عمل جديد ولما اطلع اتكلم عن أكتر من حاجة'.

وتابع عصام عمر: 'فكرة إني اطلع اتكلم على طول الناس بتمل من فكرة عملت عمل جديد وأطلع أقول إني فخور إني عملت العمل دا بحب لما اطلع للناس يبقى في لحظة حقيقية بتكلم عنها'.

ووجه عصام عمر الشكر للمخرج يسري نصر الله على تسليمه التكريم وللفنان باسم سمرة الذي قدم له التكريم وقال: 'بشكر أستاذ يسري وفرحان أن أستاذ باسم سمرة جيه مخصوص عشان بس يديني التكريم'.

وكان باسم سمرة قال عن طه دسوقي وعصام عمر: 'طه دسوقي جميل وطيب بس هو وعصام عمر مش عايزين يتكلموا مع الناس مش عايزين يغلطوا وميروحوش برامج كتير خايفين يغلطوا، هما شطار يركزوا وأتمنى ليهم التوفيق'.

يذكر أن عصام عمر شارك في موسم رمضان 2026 بمسلسل 'عين سحرية' وتكون من 15 حلقة وعرض في النصف الأول من الشهر الكريم.

مسلسل 'عين سحرية' بطولة عصام عمر، وباسم سمرة، وفيدرا، وعمرو عبدالجليل، وسما إبراهيم، وجنا الأشقر، وفاتن سعيد، تأليف هشام هلال، وإخراج السدير مسعود.