وجه الفنان توفيق عبد الحميد رسالة استغاثة من إجراء غريب حدث معه بسبب عداد مياه شقته في الأسكندرية التي لم يزرها منذ سنوات.

كتب توفيق عبد الحميد عبر حسابه بموقع Facebook: 'السيد رئيس مرفق مياة المنتزه بعد التحية، حدث هذا فى شقتى بمحافظة الاسكندرية بالعصافرة بحرى فى شارع اطلس، دفعت فواتير المياه لفترة طويلة رغم أنها كانت باهظة وغير منطقية وانا كمان مكنتش بروحها، لكن دفعتها وبعد شوية شالوا عداد المياة وبعد شوية عملوا ليا مخالفة انى استخدم المياة بشكل غير قانونى وحرروا ليا مخالفة ب ٢٠٠٠٠ الف جنيه'.

وتابع توفيق عبد الحميد: كل ده والشقة مقفولة لسنوات طويلة، وممكن تتأكدوا من هذا الامر من استخدام عداد الكهرباء، لانى خاصمتها علشان كانت بتشوف البحر من كل حتة فيها وبعد كدة اختلف الأمر تماما، وبقت كمان مجروحة وانا كمان بقيت مريض فخاصمتها ومروحتهاش بقالى حوالى ١٥ سنة، ينفع كدة يا اسكندرية ويا رئيس مرفق مياة المنتزه انا عايز العداد بتاعى اللى شلتوه ويبقى فى الشقة.

علق أيضا: 'دلوقتي لو روحت شقتي في إسكندرية بعد ما شالوا عداد المياه أبقى بسرق مية، يعني في سن ال٧٠ أما أسرق هسرق مية طيب على رأي المثل إن سرقت اسرق جمل'.

وأوضح توفيق عبد الحميد فيما بعد أن رئيس مرافق المياه تواصل معه على وعد بحل الأزمة.

يذكر أن توفيق عبد الحميد أعلن في سبتمبر 2023، اعتزاله مجال التمثيل، بسبب حالته الصحية.