1. أجلت نزول ألبوم كامل في العيد بعد ما لقيت صدى الميني ألبوم اللي نزل واسع والناس مبسوطة منه.

2. مبسوط من لقب أمير العشاق اللي الناس منحتهولي.

3. الألبوم اللي جاي هيكون مختلف تماما عن كل اللي قبله.

4. أيمن بهجت قمر بيكتب اللي بيلمس دايما قلوب الناس.

5. أغنية 'أنا ليك' ما كانتش هتتصور في البداية ولما صورتها نجحت نجاح كبير جدا.

6. حبي للمزيكا بدأ في الكويت وأنا عندي 16 سنة، وكنت بحب أجمع تراكات المزيكا المختلفة وعملت البيزنس بتاعي واشتغلت كمهندس صوت.

7. لاقيت نفسي بشتغل مع فنانين كبار كمهندس صوت زي عمرو دياب ومحمد فؤاد وعبد الله الرويشد ونبيل شعيل وهشام عباس وغيرهم.

8. بدأت الغناء كمشوار فني في لندن قدام بروس ويلز وغنيت أغنية 'أنا بحبك يا مصطفى' وهو اللي اداني اسم سامو بدل أسامة وحبيته جدا.

9. بحب المصارعة جدا، لأن والدي وجدي كانوا أبطال مصارعة.

10. موت والدي أثر فيا جدا وعمل تغيير كبير في حياتي.

11. قعدت فترة خايف أعمل أغنية بعد 'أنا ليك' بعد نجاحها الكبير، ولحد دلوقتي تريند هي وأغنية 'قربي ليا'.

12. الموسيقار محمد عبد الوهاب عبقري، وعبد الحليم هو الإحساس، وأم كلثوم العظمة، وأسمهان الرقي، وصباح أيقونة جميلة.

13. لو فكرت أعمل دويتو من أيام زمان كنت غنيت مع محمد فوزي، وبحب فيروز وعبد الحليم وشادية.

14. لو هعمل دويتو مع مغني من جيلي غير جيلي، هيكون تامر حسني.

15. لو هعمل دويتو مع الفنانين المعاصرين هيكون مع عمرو دياب، وبحس إنى ممكن أليق مع صوت أنغام كمان.

16. بحب المطرب تووليت، وهو شخص ذكي، وبيعرف يوظف نفسه كويس.