كشف النجم حمادة هلال أن قرار استكمال تقديم سلسلة 'المداح' أم إنهائها، لم يتم اتخاذه بعد.

قال حمادة هلال: 'مقدرش أقول الكلمة دي خالص، الاسم (أسطورة النهاية) بس بيحكي عن نهاية موضوع موجود في الأسطورة، أنا مقدرش أقول كلمة كواحد من صناع العمل، لو كلنا خلاص كفريق عمل اجتمعنا وقولنا آخر جزء يبقى خلاص، بس بيبقى غصب عننا، بناخد قرار آخر جزء ونعمل حاجات مختلفة بس بنلاقي إصرار الجمهور اللي بجد، مش اللجان، ونلاقي عندنا حكاية هتليق بنتوكل على الله ونشتغل، فلسه معندناش فكرة خالص'، حسب تصريحاته لبرنامج 'تفاعلكم'.

'المداح 6' من بطولة حمادة هلال، هبة مجدي، خالد سرحان، دنيا عبدالعزيز، حمزة العيلي، مفيد عاشور، علاء مرسي، خالد أنور، عفاف رشاد، جمال عبد الناصر، وفاتن سعيد، والعمل من تأليف أمين جمال، وليد أبو المجد، شريف يسري، وإخراج أحمد سمير فرج.