لفت الفنان محمد علي رزق الأنظار بأدائه المتميز في مسلسل 'جريمة في الزمالك'، أحدث أجزاء سلسلة 'القصة الكاملة'، بشخصية الشاب المدمن، وعن الدور والتعاون مع صبا مبارك ومشاركته في رمضان 2027 كانت هذه التصريحات.

وعن شخصية 'علاء' التي قدمها في مسلسل 'جريمة في الزمالك' قال محمد علي رزق في مداخلة هاتفية لبرنامج 'تفاصيل': لازم أحب الشخصية اللي بقدمها، انا حبيت 'علاء' وشايف إنه ضحية للمجتمع والظروف، لكن بعيدا عن الدراما، في الحقيقة 'علاء' مذنب في حق نفسه قبل ما يكون مذنب في حق أخته، شخص 'نطع' وأناني وماعندوش دم، مش عاوز يتعب ويشتغل، عاوز ياخد فلوس من اخته.

وأكمل: وده للأسف نموذج متواجد الراجل اللي مش راجل، الراجل اللي بيستحل رزق أخته، وشقى أخته وهو قاعد في البيت ياخد الفلوس ويشرب بيها مخدرات.

وعن أصعب المشاهد التي قدمها في المسلسل قال: المشاهد اللي تعبتني قوي مشاهد المخزن، اللي بتعور فيه، كانت من المشاهد الصعبة والمرهقة جدا، جسديا ونفسيا وفي التمثيل.

وعند سؤاله هل شخصية 'نادية' التي قدمتها صبا مبارك في المسلسل شريرة ولا مغصوبة على أمرها؟ قال: صبا عملت حركة ذكية جدا، قدمت الشخصية كبني آدم فيه الضعف والطيبة، فممكن تتعاطفي معاها، لكن في النهاية هي مذنبة طبعا، الجميع لديه المبادئ إلى أن تأتي الفرصة.

وعن مشاركته في الموسم الرمضاني 2027 في مسلسل 'سلطان الديب'، قال: أحمد العوضي صديقي وأخويا وعشرة عمر اشتغلنا مع بعض من زمان، عملنا 'المزاج' و'الحصان الأسود' و'هروب اضطراري' و'كلبش 3'، فده مش أول تعاون بيني وبين العوضي، وأنا مبسوط إننا رجعنا نشتغل مع بعض تاني.

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l