دافعت الإعلامية مروة صبري عن الفنانة شيرين عبد الوهاب، متهمة رواد مواقع التواصل الاجتماعي بتصيد الأخطاء لها خلال حفلها الأخير في الكويت.

وقالت مروة صبري خلال تقديمها برنامج 'قعدة ستات' عبر قناة ألفا: 'شيرين بعفويتها وتلقائيتها كانت عايزة تعمل حاجة كويسة ومحترمة واتقلبت ضدها، بعد ما سلمت على جمهورها قالت يا جماعة هطلب منكم حاجة بسيطة جدا، نقرا الفاتحة للملحن محمد رحيم، اللي اشتغلت معاه أعمال كتير'.

وأضافت مروة صبري: 'بعد ما الناس قرأت الفاتحة قالت أنا عايزاها تكون سيئة جارية، هي عايزة تقول صدقة أو حسنة جارية، زلة لسان وفي لحظتها قالت أنا آسفة وبعتذر'.

وتابعت: 'الست غلطت في كلمة وقالت آسفة، وارد جدا أي حد في الدنيا يغلط، عايز يقول حاجة فيقول حاجة تانية، أكيد هي مش قصدها، إنتو قاعدين على السقطة واللقطة لشيرين عبد الوهاب، وبدل ما نقول لها برافو ونشجعها لازم نهدمها'.

ووجهت مروة صبري رسالة لشيرين عبد الوهاب قائلة: 'برافو إنك بدأت تشتغلي، وقررتي ما تشركيش جمهورك في مشاكلك الشخصية، وتشاركيه فنك وصوتك الحلو'.

وكانت شيرين عبد الوهاب طلبت خلال الحفل من جمهورها قراءة الفاتحة للفنان الراحل محمد رحيم معقبة: 'محمد رحيم اللي عامللي مشاعر، وصبري قليل والوتر الحساس وأنا في الغرام. يا رب تروح له إن شاء الله معلش. خلينا نعمل سيئة جارية'.

واعتذرت شيرين بعدها قائلة: 'يا جماعة محدش يخليني أتكلم في المايك، حسنة جارية، والله العظيم هيسيبوا كل حاجة ودي هتبقى تريند دلوقتي'.