هاجمت الفنانة راندا البحيري فيلم 'برشامة' وكشفت عن عدم إعجابها بالإسقاطات الفنية على الدين الإسلامي التي كانت موجودة في الفيلم، على حد قولها.

وكتبت راندا البحيري عبر صفحتها على Facebook: 'أنا اتفرجت على فيلم 'برشامة' وأنا على فكرة دارسة نقد فني وعارفة يعني إيه إسقاطات فنية الفيلم كله إسقاطات علي ديننا الكريم، وعلى الأئمة الأربعة وعلى الرجل المتدين اللي حتى الحاجة الوحيدة اللي عملها صح في الفيلم أنه مش راضي يغش علشان الرسول صلى الله عليه وسلم قال من غشنا ف ليس منا، فراح هادم كل المعتقد ده وجه في آخر مشهد غشش 'رقاصة' علشان تنجح ويسقط هو. 'مع العلم أن ده الرجل الوحيد اللي مطلعينه متدين بحق' اللي هو هشام'.

وتابعت راندا البحيري: 'حسبي الله ونعم الوكيل في اللي بيحطولنا السم في العسل وحسبي الله ونعم الوكيل في اللي بيقرأ الأفلام دي و بيخش يمثلها عادي ومش فارق معاهم أجيال تتفرج ودماغها تلف وتبقي مش فاهم الصح من الغلط'.

وكان رئيس الهيئة البرلمانية لحزب النور، تقدم ببيان عاجل إلى المستشار هشام بدوي، رئيس مجلس النواب، مطالبا بإيقاف عرض فيلم 'برشامة'.

وجاء البيان العاجل من 'حزب النور' موجها إلى رئيس مجلس الوزراء، مصطفى مدبولي ووزيرة الثقافة جيهان زكي ورئيس المجلس الأعلى لتنظيم الإعلام خالد عبد العزيز، متهما فيلم 'برشامة' بالتجاوز والجرأة الآثمة على المقدسات والثوابت الشرعية.

فيلم 'برشامة' بطولة: هشام ماجد، ومصطفى غريب، وحاتم صلاح، وباسم سمرة، وفدوى عابد، وكمال أبو رية، وعارفة عبد الرسول، ووليد فواز، وفاتن سعيد، وميشيل ميلاد، ومحمد أبو داود، تأليف خالد دياب وشيرين دياب وأحمد الزغبي، وإخراج خالد دياب، وإنتاج 'سكاي ليميت' و'فيلم سكوير'.

نرشح لك: إيه رأيكم لو حولنا البروفيسور لمسلسل مصري. مين يعمل الأدوار؟