ردت الفنانة مي كساب على الجدل الذي أثير بسبب إطلالتها خلال استضافتها في برنامج Mirror.

وظهرت مي كساب في فيديو نشرته عبر حسابها على Instagram تحدثت فيه لجمهورها وأكدت أنها لم تكن ترى الرسومات الموجودة على الـ'تي شيرت' الذي ظهرت به في البرنامج.

وقالت مي كساب: 'أنا مكنتش هرد وأنا أصلا من النوع اللي مبيهتمش بالكلام على السوشيال ميديا خصوصا لما يكون الترند تافه أوي، بس واحدة صاحبتي عزيزة عليا أوي قالتلي لازم تعملي فيديو للناس فأنا طالعة بنفسي بعملكم فيديو وبقولكم شكرا للناس اللي افترضت فيا حسن النية وإني أكيد ماشفتش الرسومات اللي على التي شيرت، أكيد ماشفتهاش ولو شوفتها مكنتش هلبسه ولو كان المذيع كمان شافها أكيد هيقولي لأن كل كلامنا كان ليه علاقة بالدين والحاجات اللي نفسي فيها وكلام إنساني فأكيد مش هبقى لابسه تي شيرت شايفة الرسمة اللي عليه'.

وتابعت مي كساب: 'وأنا فعلا والله لغاية دلوقتي أنا كنت مستوعبة إن دا 'سبونج بوب' وعادي ولا حتى عارفة اسم الكرتون الحقيقي ولا شايفة الرسمة وشكرا بجد لكل الناس اللي افترضت فيا حسن النية أما اللي فرضوا فيا سوء النية فربنا يسامحكم'.

وكانت مي كساب كشفت خلال اللقاء عن ندمها الشديد على بعض الإطلالات والملابس التي ظهرت بها في فترات سابقة من حياتها، منها فستان ارتدته في حفل زفاف إحدى صديقاتها بالوسط الفني.

وقالت: 'ندمانة على ارتدائي لفستان لم يكن مناسبا في حفل زفاف فنانة صديقة، وبالمناسبة الفستان ده أصحابي اللي عملوه وفاجئوني بيه، ومبقتش عارفة أتعامل معاه، بقيت في قمة انهياري من الفستان، وندمانة جدا على اللي حصل'.