رفض المخرج الكبير يسري نصر الله وصف الفنانة الكبيرة عبلة كامل بأنها 'مش بتاعة سينما'، أو أن أدوارها السينمائية غير مهمة.

وقال يسري نصر الله خلال لقائه مع الإعلامية إنجي أنور ببرنامج 'مصر جديدة'، المذاع عبر قناة ETC: 'ده كلام فارغ، لما نمسك أفلام عبلة كامل، غير مسلسلاتها العظيمة، إزاي نقول مش بتاعة سينما'.

وأضاف: 'لو عاجبك مرسيدس وسرقات صيفية، والمدينة، وبلطية العايمة وخالتي فرنسا، أو مش عاجبك دي حاجة تانية، لكن أنا رأيي إنها أفلام مهمة جدا، وعبلة كامل سينمائيا موجودة'.

وردا على سؤال هل اعتزال الفنان يكون من خلال إعلان أو الاختفاء في صمت، قال: 'الفنان حر يعلن أو يختفي، أحسن بكتير من إنها تقول اعتزلت علشان الفن حرام'.

وتابع: 'واحدة قررت إنها عايزة تقعد في بيتها، وحاسة إنها مجهدة، وأنا ساعات بيجيلي نفس الإحساس من الأضواء طول الوقت'.

وكان المخرج يسري نصر الله طالب بتكريم عبلة كامل في مهرجان القاهرة السينمائي الدولي، وضمت الفنانة منة شلبي صوتها له في هذا المطالبة، إلى جانب عدد من الفنانين.

حمل آبلكيشن FilFan ... و(عيش وسط النجوم)