تحدثت الفنانة رانيا يوسف عن حبها للرقص ووصفته أنه نوع من أنواع الرياضة.

وقالت رانيا يوسف خلال لقائها في برنامج 'صباح الخير يا عرب': 'بحب الرقص من يوم ما اتولدت، البنات كلها بتحب الرقص اعتقد أن إحنا بنتولد بنحب الرقص في طبيعتنا ودمنا بس طبعا بنبقى خجولين كتير والمجتمع وعيب ما ترقصيش وكده'.

وتابعت رانيا يوسف: 'أنا بحب الرياضة والرقص نوع من الرياضة بتخسري وزن وبتطلعي طاقة سلبية وبيكون مودك حلو وتقريبا كل يوم بروح الجيم لو معنديش شغل بس ساعات بزهق هو نفس التمرين ونفس المكان وببقى عايزة اتحرك وأخسر وزن وفي نفس الوقت أكون في مود حلو واتسلى وارجع البيت فرفوشة'.

وعن تجربتها في الغناء قالت رانيا يوسف: 'أنا مش مطربة أنا قلت أجرب و ألعب، أنا بحب ألعب أنا بحب المخاطرة في الحياة، طول ما بتجربي هتعرفي إذا كنتي هتنجحي أو تفشلي وهتعرفي بتحبي إيه ونفسك تعملي إيه جربتيه لقيته نجح أو جربتي ولقيتي فشل دا لطيف'.

يذكر أن رانيا يوسف شاركت في موسم رمضان 2025 بمسلسل 'نص الشعب اسمه محمد'.

ومسلسل 'نص الشعب اسمه محمد' بطولة رانيا يوسف، عصام عمر، مايان السيد، هاجر السراج، محمد محمود، شيرين، محمد عبد العظيم، دنيا سامي، ألفت إمام، كريم سامي، غادة إبراهيم وغيرهم، وهو من تأليف محمد رجاء، إخراج عبدالعزيز النجار، وإنتاج أمير شوقي.