رد الفنان مصطفى كامل على مطرب المهرجانات مسلم وما قاله عن أزمته مع النقابة.

وقال مصطفى كامل خلال مداخلة هاتفية ببرنامج 'كلمة أخيرة': 'ما يقوله مسلم كذب، أنا بعتبرهم ولادي لكن كل ما قاله كذب أنا من يوم ما دخلت النقابة من 3 سنين بعاملهم زي ولادي قلت نحتويهم، مشكلة مسلم من اليوم الأول ليا في النقابة كان بيقولي أنه مظلوم وأنهم بيبتزوه، أديته الكارنية عشان يشتغل ومن أول 10 أيام كان فيه 40 شكوى، لدرجة إني قلت له أنا جبت لنفسي جريمة لما دخلتك النقابة'.

وأكمل مصطفى كامل: 'الشكاوى مكنتش كيدية كانت حقيقية ولما كنا بنحقق كان يقول أصل أنا عيان، إلى أن جاءت شركات كبيرة اشتكت أن هو ماضي عقد وملتزمش بيه، حققنا معاه وأخدنا قرار الإيقاف'.

وأكمل مصطفى كامل: 'مسلم جالي بيتي وقعدت معاه من شهر ونص وقلت له روح خلص كل الأمور مع الشركات ووقت ما يجيب مخالصة من الشركات دي هينزل الشغل تاني يوم'.

وعن الوقفة الاحتجاجية وما حدث قال مصطفى كامل: 'كنت في مشوار مهم جالي تليفون أن في وقفة احتجاجية الطبيعي أكلم الشؤون القانونية عشان يتخذوا اللازم، وهو بيقول كلمت ابنه هو ابني هيحللي في النقابة أنا لا بدخل ابن في تحقيق العدل، طالما الأمور وصلت لكده يتواصل مع الشؤون القانونية'.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟